مشوار على ضيعة جزين: ٢٠ شغلة تعملوها بهالمنطقة

جزين من أجمل المناطق بلبنان، ضيعة ما بتشبه باقي الضيع وتعتبر أقدم المصايف من عصور الفينيقيي، بتفوح منها ريحة الصنوبر المعتقة وبتتميز بشلالاتها الناصعة البياض وصناعاتها الحرفية واليدوية وبتحمل ألقاب عدة منها “عروس الجنوب”، “متحف الحرف” و”عروس الشلال”. من بعد ما عملنا مشوار على ضيعة حمانا، مشوارنا اليوم على جزين الحلوة لنتعرف على هل ضيعة المميزة.

١. بلشوا نهاركن بترويقة بلدية بقلب الغابة عند La Maison de la Forêt

الرقم: 222 800 07

٢. زوروا قصر جزين الأثري الواقف على راس الوادي

٣. زوروا سيدة المعبور لي بتكشف على أجمل مناظر جزين

٤. اكتشفوا قصر سرحال المستوحى من الثقافات الشرقية ولي بيتمتع بهندسة رائعة وخدوا أجمل الصور التذكارية

٥. عملوا بيكنيك بالطبيعة واستمتعوا بالرواق

٦. كلوا أطيب طبخ لبناني وأكل بلدي بمطعم كيف لي بيتمتع بقعدة جبلية ساحرة بين الورود والألوان

٧. كلوا أطيب لقمة لبنانية مع أجمل منظر عند مطعم الحرش

الرقم: 111 780 70

٨. دوقوا المونة لي بتتميز فيها جزين من زيت الزيتون للزيتون الحب والزعتر والصابون والكشك والمربى وغيرها

٩. شوفوا الكنيسة الساحرة الجمال الموجودة على راس الوادي والمحاطة بالشجر والبيوت العتيقة

١٠. تفرجوا على مبنى البلدية الأثري

١١. اتأملوا جمال شلالات جزين

١٢. اكتشفوا طبيعة جزين الحلوة

١٣. زوروا غابة الصنوبر الساحرة

١٤. عملوا هايكينع وبيسكلات بالطبيعة واشربوا مي متلجة من العين

١٥. اقعدوا على الشلالات وخدوا أجمل الصور التذكارية

١٦. زوروا cave كرم للنبيد Karam Wines وتذوقوا أطيب كاسة نبيد

الرقم: 429 257 03

١٧. تمشوا بشوارع الضيعة وتفرجوا على البيوت المغطاية بالقرميد الأحمر

١٨. قضوا نهار على البيسين واستمتعوا بالطقس الحلو عند Lanai

الرقم: 235 395 70

١٩. قضوا ليلة مميزة بBlue Jay Valley، أكيد رح يجي عبالكن تقعدوا تحت الشمسات قبال المسبح وهلق الطقس مثالي لهيك مشروع

٢٠. أو قضوا ليلة من العمر بأوتيل غرين لايك أوتيل Green Lake Hotel مع منظر حلو وقعدة تحت النجوم بالليل، فيكن كمان تنزلوا تعملوا سبحة غير شكل إذا مشوبين و تاكلوا أطيب تريقة على الصبح

الرقم: 535 781 07

شوفوا كمان بس تروحوا على جزين أجمل المطاعم: لقينا ٧ مطاعم بجزين مع قعدة بتطير العقل.