بيت لانار: بيت حجر وقناطر ورواق عالآخر

مين منا بحب الجبل والرواق؟

لكل مين حابب يقضي كم يوم من العمر بعيد عن ضجة بيروت، لقينا المحل المناسب إلكن!

عم نحكي عن بيت لانار، بيت حجر من قناطر بيتمتع بمنظر خيالي مع ديكور ولا أحلى وفيو ساحر.

جمعوا أصحابكن وأحبابكن وتوجهوا على منطقة الشوف يلي بتاخد العقل، على بعقلين بالتحديد. بهل بلدة يلي معروفة بتاريخها العريق ومناظرها الخلابة بيت ضيافة مكنكن لازم تزوروا.

فيكن تقضوا ليلة من العمر بالبيت وتفيقوا على منظر التلج الروعة. كل البيت مجهز بكل المستلزمات. بالليل، ولعوا الستوف وكنكنوا مع أصحابكن أو حبيبكن!

بهيدا البيت عدة أوض، كلن شرحين وحلوين. تراس مهضوم بإنتظركن حتى تنسوا كل هموم العالم. وأكيد أوضة نوم كبيرة بتشبه أوضة الأميرات.

فيقوا على صوت العصافير ومنظر الخضار يلي حواليكن، تنشقوا الهوى النقي وحضروا ترويقة وركوة قهوة.

بالنسبة للأسعار على الليلة فهيي 50$ وبساع البيت لحديت ل 5 أشخاص.

كل لي عليكن تعملوا إنو تدقوا وتحجزوا على هل رقم 088 514 70، وتطلعوا تقضوا ويك-أند من العمر.

شوفوا كمان، التلج غطى ضيع وبلدات لبنان، شوفوا هل-٧ مناطق المكللة بالأبيض.