وين فيكن تجربوا أطيب ترويقة بالجنوب؟

اليوم رح ناخدكن مشوار نعمل أحلى وأطيب صبحية بالجنوب! مشوا معنا على 6 مطارح لأطيب وأغنى ترويقة بالمنطقة.

1- حلويات السلطان – النبطية، الغازية، كفرجوز

إذا بدكن كرواسون طيبة ومقرمشة على الصبح مع فنجان قهوة غير شكل، بتميلوا عند حلويات السلطان وبتلاقوا أطيب أنواع الكرواسون بالفستق والشوكولا وبسكويت اللوتس مع الكراميل، وكمان الكنافة عندو مميزة!

الرقم: 719 659 76 – 418 761 07

2- قهوة باب السراي – صيدا

قهوة باب السراي القديمة بتفتح النفس بالمناقيش الطازة على أنواعها، أو صحن فول مغنّج، فتة المغمورة بالكاجو، وترويقة بيض وجبنة ولبنة مع خضرا وأطيب كباية شاي.

الرقم: 444 640 71

3- حلويات الديماسي – النبطية

بتلاقوا بين أسواق النبطية الشعبية محل الديماسي لي بيقدم أطيب كنافة على الصبح، حلاوتها بتاخدكن على عالم تاني والجبنة دايبة على الآخر منظرها بيشق القلب.

الرقم: 909 908 70

4 – قهوة 60 – صيدا

رجعوا على زمن الستينات بهل كافيه على الموديل القديم، كل تفاصيلو مهضومة وقعدتو لزيزة صوب البحر، ضروري تجربوا عندو ترويقة اللبنة بالفريز على أنغام صوت فيروز!

الرقم: 000 169 79 – 001 196 79

5- قهوة البلد – صور

بتلاقوا عند قهوة البلد ترويقة أصيلة من خيرات البلد، عندن منقوشة الزعتر بالخضرا والجبنة غير عالم، والفول والحمص شكلن بشهيّ!

الرقم: 483 481 81

6 – دون لاونج – صيدا

أطيب صبحية عند دون لاونج، عندن مخبوزات عالمية وكرواسون طيب وترويقة لبنانية من لبنة وجبنة وبيض ومربى وزبدة مع كباية شاي بتحلي صباحكن!

الرقم: 626 736 70

.شوفوا كمان، أسعار مناقيش الزعتر عند أشهر المحلات