يلا على أطيب المطاعم بعروس الشمال عكار
منطقة عكار متل الجوهرة المخباية بلبنان، ما رح تعرفوا سحرها وجمالها الا لتشوفوا هالمنطقة بعيونكن وقلبكن. كفوا معنا اليوم وخلونا نزور 6 مطاعم مميزة بعكار الشمالية.
1 – مطعم زهرتوني – القبيات
مطعم زهرتوني بيقدم أطباق إيطالية قريبة على القلب، مناسب للعيل والجمعات الكبيرة. بيتميز خص نص بأطباق باستا طعمها غير عالم ومكوناتها شهية!
الرقم: 844 469 81 – 717 914 03
2- مطعم ديوان الوادي – القبيات
ديوان الوادي من أطيب المطاعم بالقبيات لتجربوا سفرة مشاوي غير شكل، مازة شهية، ولحمة نية معمولة على أصولها!
الرقم: 519 488 03
3- مطعم الخال Lebanese Grill – منيارة
مطعم الخال بيعمل أطباق أشكال وألوان، بتلاقوا كل شي بيخطر عبالكن من أكل لبناني لأكل عالمي، والكبة عندو محشية بطريقة مميزة وبتفتح النفس.
الرقم: 880 690 81
4- مطل الوديان، حرار
عبالكن غدا طيب مع منظر بيرد الروحعلى الوادي والجبال؟ مطعم مطل الوديان بحرار ساند على حفة الجبل وبيقدم أطيب سفرة مشاوي على أجمل المناظر.
الرقم: 487 713 03
5- Dibby’s Resto Cafe – القبيات
ديبيز بيقدم غدوات يومية مميزة ومتنوعة، بتلاقوا طبخات طيبة متل الرز ع الدجاج أو كفتة وبطاطا، وكمان أطباق عالمية متل الباستا الإيطالية وبرغر محرز مع أشهى الصوص.
الرقم: 856 116 79
6- مطعم الشلالات – بقرزلا
تخايلوا عم تاكلوا أطيب لقمة كبة نية أو أكلة سمك على صوت الشلالات! بتلاقوا هل قعدة الساحرة وهل جو المميز عند مطعم الشلالات بمنطقة بقرزلا.
الرقم: 056 585 71
شوفوا كمان، أجمل قعدات التراس بلبنان.
