هالويك-اند: تجربة قطاف الورد مع إم عدنان بقصرنبا!

مع بداية موسم الورد بقصرنبا، بتفتح الست إم عدنان بيتها وقلبها لكل حدا بحب الطبيعة والتراث وعبالو يعيش تجربة قطاف الورد. من الصبح بكير، بتنطلق الرحلة من بيروت صوب البقاع، مطرح ما الورود بتغطي الأرض بريحتها الحلوة ومناظرها الساحرة.

من القطف لتقطير ماء الورد!

إم عدنان، الست اللبنانية الأصيلة المعروفة بأطيب مونة بيتية، بتستقبلكن بمحبة وبتشارككن أسرار قطاف الورد وتقطير ماء الورد بالطريقة التقليدية.

أول تجربة بتبلش بقطاف الورد الدمشقي بإيديكن، هالوردة العطرة المعروفة بريحتها القوية واستعمالاتها الكتيرة بالمونة اللبنانية. رح تعيشوا تفاصيل هالموسم عن قرب، وتكتشفوا أسراره الأصيلة خطوة بخطوة.

 بعدها، بتعيشوا تجربة تفليش الورد وتحضيره بالكركة، وهي الجهاز التقليدي يلي بينقطّر النباتات العطرية ليعطيكن أصفى وأطيب ماء ورد طبيعي.

ريحة الورد بتعبّي المحل! بتزيدوا الميّ حتى يعطوكن خواص الورد الصافي، ومع النار الهادية بتبلش رحلة التقطير وسط أجواء ريفية دافية ومميزة. وبعد هالتجربة، بتستمتعوا بترويقة لبنانية شهية من تحت إيدان إم عدنان.

تفاصيل المشوار:

📅 الأحد 10 أيار، من الساعة 6:30 الصبح ل 3 بعد الضهر

📍 نقطة التجمع: بيروت – فرن الشباك (الأبراج)

l📞 للحجز: 571 856 81

إذا بدكن نهار شوي مختلف، مليان جمال، ريحة ورد، وضيافة بقاعية حقيقية، ما تفوتوا فرصة قطاف الورد مع إم عدنان بقصرنبا! 🌹

شوفوا كمان:

بتعرفوا في سوق مزارعين كل سبت بطرابلس؟