تعرفوا معنا على أهم الأكلات الشعبية من مختلف المناطق اللبنانية
من الشمال للجنوب، كل منطقة من مناطق لبنان بتشتهر بأكلات شعبية ولذيذة بعود عمرها لميات السنين وبتحمل ألف حكاية وحكاية، رح نقدم بعض هل الأكلات الشعبية الموجودة بمختلف مناطق لبنان ونخبركن من شو معمولي.
١. بعلبك: السمسمية
تعد السمسمية من أشهر حلويات بعلبك وهي مألفة من السكر، لوز، فستق، سكر، ملح الليمون مطبوخين على النار حتى الغليان.
٢. زوق مكايل : مرصبان
معروفة هل بلدة بصناعة المرصبان أو معجون اللوز، المحشي اللوز “الحلواني” الأصيل.
٣. القبيات: مبسبس
عبارة عن كعكة كبيرة معجونة على الإيد، قالبها كبير، مخبوزة من طحين، فانيلا وشمرة ويانسون.
٤. جبيل: صفوف بدبس
أما منطقة جبيل فبتشتهر أكتر شي بهل حلو البيتوتي المحشي دبس ولي بتلاقوا بكل بيت وبيتضيف مع فنجان القهوة.
٥. راشيا الوادي: قربان
راشيا مشهورة بخبز القربان الصحي المخبوز بالمكونات الفريش التالية: خميرة، جوزة الطيب، محلب ومزهر بلدي.
٦. زحلة: كبة زحلاوية
عبارة عن كبة معمولة على الطريقة الزحلاوية، خليط لحمة وقمح حبتو كبيرة.
٧. دوما: لبن إمو
أكلة لبن مطبوخة مع نشا ولحمة وبصل ونعنع وتوم مع رز مقابيلو.
٨. كفرمشكي: كبة بكشك
عبارة عن لحمة كبة مخلوطة بالقمح والكشك.
٩. ضيع الشوف: فتنة بتنجان
عبارة عن خبز مقلي مع باتنجان ولبن ورشة بقدونس وسماق مع صلصلة حامض وتوم وفلفل أسود.
١٠. العبادية: كبة بطاطا
عبارة عن كبة محشية لحمة مفرومة وبصل مع خلطة برغل وبطاطا مسلوقة وبهارات ومكسرات وكمون، بتتاكل بأغلب الأحيان نية!
١١. رشانة: مجدولة
عبارة عن أكلة عدس مع وفاصوليا.
١٢. ضهور الشوير: شيش برك
عبارة عن عجين مبروم محشي لحم ومطبوخ مع لبن.
١٣. صور: صيادية
هل أكلة معروفة كتير بعروس البحار صور وبتنعمل عادةً من سمك مصيد طازة من البحر.
١٤. مشغره: زنغول بلبن
عبارة عن معجنات ببرغل مليانة لبن وتوم مهروس مع صلصلة على جنب.
١٥. بشري: كوسا بلبن
عبارة عن طبخة كوسا محشية رز ولبن مطبوخ مع رشة توم ونعنع.
١٦. بيت مري: كبة لقطين
بتجي على شكل كبة كباب محشية حمص وسبانغ وبصل وتوم وحامض وبهارات ودبس الرمان من دون لحمة.
١٧. حصرون: معكرونة بتوم
عبارة عن زلابية معكرونة مطبوخة بصلصة الليمون والتوم.
١٨. راشيا الوادي: الخبوسة
عبارة هن قطع مغمسة بالدهن ودبس العنب.
١٩. النبطية: المجدرا الحمرا
عبارة عن عدس زغير مقلى مع بصل ليتحمر مزبوط ويعطي اللون الأحمر للأكلة ولهيك إسمها مجدرة حمرا وبينزدلها بعدين برغل محل الرز وبتنطبخ على نار هادية.
٢٠. بينو: لحم بخل
عبارة عن لحم بقر مطبوخ مع بصل، حمص وسفرجل، ومقدم مع كبة.
وإنتو خبرونا عن ضيعتكن، بأي أكلة مشهورة أكتر شي؟
شوفوا كمان، ضيعة وحدة بلبنان انشهرت عالمياً لسبب واحد.
