شو مشاريعنا
٢٣ محل لازم تزورهن هالصيفية بلبنان
ما في أحلى من المشاوير والكزدرة بالصيفية على أماكن مع view حلو، لهيك رح نعرفكن اليوم على محلات كتير مهضومين تزوروهن هل صيفية.
١. H Village، جونية
عبارة عن قرية زغيرة مليانة أكل طيب وألوان صيفية، زهور وأضوية ساحرة… كل شي بهل محل حلو وبيجذب. بس تفوتوا على المطعم أو القرية الحلم، فيكن تنقوا تقعدوا برا أو جوا، بس نصيحة جربوا القعدة على التراس بوج البحر رح تاخدلكن عقلكن والأكل كتير طيب وبشبع.
الرقم: 700 333 71
٢. مسبح سليمان، شموت- جبيل
هل محل مش بس كتير حلو والجو في رومانسي كمان، رح تلاقوا مرجوحة فوق المي وهيك بتتحنزقوا وبتتفرجوا على أجمل المناظر. ما في أجمل من المنظر هون وقت غياب الشمس والقعدة على الgazon.
الرقم: 266 133 79
٣. بحيرة بنشعي، زغرتا
هل بحيرة فيها بطات وحلوة كتير، فيكن تعملوا فيها بيدالو وحد البحيرة في حديقة حيوانات مهضومة وفيكن كمان تتمشوا وتكتشفوا الطبيعة الخلابة وتشموا هوا نضيف وبس تخلصوا بتميلوا عند مطعم البحيرة.
الرقم: 500 550 06
٤. Frozen Cherry، الزعرور
بدكن تكون القعدة مثالية بقلب الجبل؟ لتبوردوا وتعيشوا لحظات ما بتتكرر زوروا هالمحل وقت غروب الشمس، المنظر بيحبس الأنفاس!
الرقم: 225 661 71
٥. بيوت مزيارة، مزيارة
تفرجوا على بيوت ضيعة مزيارة وتصاميمها الغريبة من الطيارة للمعبد الإغريقي والإهرامات، وحتى في كنيسة معمولة من ورد. هل ضيعة فيها الغرايب والعجايب ومن أجمل الضيع بالشمال، صدقوا بيقطع الوقت وما بتحسوا.
٦. Cherrylane، حمانا
إسمو طريق الكرز مستوحى من الكرز يلي مشهورة في قرية حمانا بيجمع بين مقهى ومطعم تحت سقف واحد! القعدة بهل محل ساحرة فيكن تاكلوا كتير من الأطباق الفرنسية الإيطالية الشهية إنتو وعم تسمعوا موسيقى رومانسية وعم تتفرجوا على قصر لا مارتين.
الرقم: 588 335 71
٧. Lolo Private pool، كفرمتى
بيسين موجود بأحضان الطبيعة بين الشجر والوديان، بيكشف على أجمل المناظر الطبيعية. المي نضيفة ونقية، القعدة بالطبيعة بترد الروح وفي مقعد برا كتير مهضومة إذا عبالكن تاكلوا إنتو وعم تتفرجوا على الطبيعة وفيكن كمان تناموا وترتاحوا بقلب الشاليه أو تتمددوا على الكراسي المريحة وتتشمسوا.
الرقم: 728 946 71
٨. قمة جبل الأربعين
عيشوا تجربة خيالية بقمة جبل الأربعين بالضنية مطرح ما في أعلى مرجوحة بالشرق الأوسط ومسار حديد وطيارة فيكن تشوفوا منها أجمل غروب شمس فوق الغيوم.
الرقم: 021 319 76
٩. مغراق، عبدلي
عملوا بيكنيك بقرية مغراق بالبترون لي غرقاني بالمي وطلعوا معكن أكلكن وقضوا نهار بمحل بعيد عن العالم والضجة.
الرقم: 878 877 71
١. The Sunland، غوسطا
فيكن تستمتعوا بقعدة غير شكل بتطل على البحر و وترجعوا تشاركوا بالتزلج المظلي!
الرقم: 081 001 81
١١. رايز RAY’s، البترون
جربوا أطيب ترويقة عالبحر! بلشوا نهاركن بطريقة صح، الترويقة عندن بلدية وشهية فيها من كل أصناف المقبلات اللبنانية الأصيلة مع حلويات.
الرقم: 525 702 76
١٢. جلسة العرزال، حراجل
أكيد بتستاهلوا هوايات حراجل الحلوين. وبما إنو رح توصل الصيفية، صار وقت تلذذوا بالمناقيش الطيبة وسط قعدة ساحرة وبين الخضار ومقاعد الخشب. رح تاكلوا أكل لبناني جبلي بهيدا المكان يلي بينبض بالجو الحلو والعائلي متل جو الضيعة.
الرقم: 883 285 03
١٣. قصر المير أمين، بيت الدين
اسبحوا بمسبح قصر المير أمين الأثري بالشوف وتفرجوا على مناظر الطبيعية الخلابة مع هل برودات الحلوين.
الرقم: 315 501 25
١٤. سوق دوما الأثري، دوما
تعرفوا على ضيعة دوما الساحرة لي بتتميز ببيوت القرميد الأحمر وسوقها الأثري ومطاعمها التراثية مطرح ما رح تحسوا بدفا الضيعة اللبنانية الأصيلة.
١٥. بحيرة شوان ،كسروان
تعرفوا على بحيرة جنة شوان بنهر ابراهيم وعملوا بيكنيك مع أصحابكن هونيك وبس تخلصوا بوردوا بالمي وخدوا أجمل الصور وعملوا ذكريات ما بتنتسا.
١٦. استراحة أولين، ساحل علما
أولين بار مكان فريد ومميز مع إطلالة ساحرة على خليج جونية الرائع. فيكن تجوا وقت المغيب تقعدوا على التراس المطل على البحر وتشربوا أطيب كاس وتتطلبوا وجبتكن المفضلة وتاخدوا أحلى الصور!
الرقم: 955 911 76
١٧. بوظة البردوني، زحلة
أحلى نهار ممكن تقضوا على البردوني بزحلة عم تتفرجوا على المي وتاكلوا أطيب أكل وعطول من بعد الغدا لازم تجربوا بوظة البردوني العربية يلي ما ممكن تاكلوا متلها بيروت، معمولة من مواد طبيعية وأكيد مع أطيب قرن بسكويت ورشة فستق.
الرقم: 733 823 08
١٨. منتجع الفنار، صور
منتجع الفنار عبارة عن بيت أسطوري تحول لمطعم ومنتجع سياحي بيغمر البحر وبطل على أجمل المناظر الطبيعية. بقدم أطباق لبنانية شهية محضرة بعناية ومن مقادير فريش وبقدم كمان مشروبات على أنواعها.
الرقم: 111 741 07
١٩. بيت البحر، طبرجا
غمضوا عيونكن على صوت الموج وفيقوا على منظر البحر على وسع المدى بهل بيت الضيافة. كل شي بتتمنوا موجود بهل بيت!
الرقم: 873 855 09
٢٠. تارا زينة، جبيل
مشروع كتير مهضوم ببرمكن كل منطقة جبيل بأوفر سعر ممكن وبأهضم طريقة، على التوك توك، بتبرموا المينا، السوق العتيق، المطاعم وكل المحلات الحلوة، وما ضروري تنزلوا، فيكن تشوفوهن إنتو وعم تستمتعوا بالكزدورة.
الرقم: 088 950 71
٢١. بيت سومر، الدبية
مطعم مخبى بين شجر التين والزيتون بالشوف، قصتو بسيطة ومهضومة بتعبر عن شغف الشيف جو بستاني بالطبخ والإبداع بعالم الأكل، القعدة عندو ملونة مع مراجيح وطراريح بقلب الجنينة والأكل بجنن.
الرقم: 189 365 03
٢٢. ميولي، البترون
ميلو ميولي عند هل محل المخبى بالبترون، كلو بيتزا مشوية على الحطب وناموا أحلى نومة بقلب الطبيعة، فيكن كمان تستلموا المطبخ وتحضروا في ترويقة حسب اختياركن يعني تقطفوا الخضرا وتاخدوا بيض من عند الدجاج وتعيشوا تجربة قروية بقلب البترون.
الرقم: 516 000 71
عبالكن تبوردوا بمي البحر وتاخدوا لون بعقد؟ زوروا هل منتجع المميز يلي بقدملكن أجمل شط وبيسين إنتو بحاجة لإلن بالصيفية. بتتشمسوا وبتقضوا نهار بالميات وبتاكلوا أطيب أكل على نغمات الموسيقى الحلوة.
الرقم: 444 815 76
وين عبالكن تروحوا أكتر شي السنة؟ نحنا عبالنا نجرب كل شي وصراحة مش مصدقين كيف تجي بقى هل صيفية!
شوفوا كمان، حلبوسا: أوتيل من عالم الخيال بضيعة القبيات.