بوظة اللبنة وزيت الزيتون … إختراع جديد هالصيفية

بعد ما سمعنا بالبوظة على جنارك والبوظة على غاردينيا، هالمرة رح نخبركن عن بوظة اللبنة وزيت الزيتون ! إي متل ما سمعتوا، اللبنة مش بس للسندويشات الصبح بس كمان للبوظة. هالإختراع المميز بتلاقوا هالصيفية عند محلات Le Flocon Artisan Glacier بنقاش والأشرفية وفقرا.

بوظة اللبنة وزيت الزيتون معمولة على الإيد وبتعتمد أفضل المكونات من ناحية النوعية والطعمة.

البوظة مصنوعة من اللبنة المخلوطة مع زيت زيتون من شركة دارميس، اللي حازت هيدي السنة على الميدالية الدهبية لجائزة أفضل زيت زيتون بالعالم. كمان البوظة منخفضة بالسكر، ممزوجة بزيت الزيتون، مزينة مع حبات زيتون أسود، ورشة ملح، وللصراحة شكلها بيشهي!

هالبوظة طعمة جديدة ومميزة هالصيفية، خبرونا بالتعليقات بتجربوها أو لا؟

للمزيد من المعلومات، اتصلوا على: 602 402 04 (نقاش) – 240 333 01 (الأشرفية) – 602 402 70 (فقرا)

شوفوا كمان، وين أطيب لفات بوظة بلبنان؟ لقينالكن ٥ محلات!