أكل وشرب

وين أطيب لفات بوظة بلبنان؟ لقينالكن ٥ محلات!

مشتهيين آيس كريم رولز؟ شوفوا معنا هل ٥ محلات بلبنان.

١. The Sweet Spot، طرابلس

محل بيعمل بوظة مميزة على طريقة الرولز عمختلف الطعمات من فريز وحليب وشوكولا أو حيلا نكهة من اختياركن.

وفيكن تجربوا عندن كل أنواع الحلو متل الميني Pancakes على نوتلا، لوتس، Oreo، وشوكولا أبيض والبروفيتيرول!

الرقم: 112 819 71

هالمحل بيعمل بوظة مميزة على طريقة الرولز والنكهة على شوكولا أو فواكة بتكون من اختياركن!

وما ضروري تاكلوا بس بوظة، فيكن تجربوا شي كتير مهضوم، ال Andy’s Cup، لي هوي عبارة عن كباية معرمة محشية قصص لذيذة على الآخر.

الرقم: 184 919 71

٣. فروزا بوظة، عدة فروعة

فروزا بحضر بوظة على طعمات غريبة عجيبة متل الداعوقية، بيض الكيندر، السيريلاك، حلاوة الجبن وغيرن كتير حسب الطلب.

إذا كنتوا من عشاق الفواكة، بهالمحل فيهن يعملولكن البوظة محشية ومزيني بحبة أناناس أو حتى قطعة توت مثلا! وأكيد بطريقة كتير مهضومة وجذابة.

الرقم: 350 350 81

٤. Frollys Cinnamon Roll، سنترو مال-جناح

هالمحل بيعمل لفات بوظة على قرفة محشيين نكهات مختلفه وحشوة من اختياركن.

هالقرن ممتاز هلق بالصيفية والشوب والأحلى من هيك إنو صار فيكن تتروقوا بوظة على سيريلاك وما حدا في يقلكن شي.

الرقم: 073 023 81

٥. آيس رول، النبطية

بحضر أطيب أنواع الرولز على مختلف الطعمات من الفواكة للشوكولا والفستق والفانيلا.

فيكن كمان تطلبوا تغطسوهن بصوص شوكولا أو فواكة لأصحاب الضرس الحلو.

الرقم: 873 868 76

جربوهن وخبرونا شو رأيكن! صحتين!

مطعم شعبي عم برجعلكن نوستالجيا الستينات بلبنان!