جنينة ياسمينة: قعدة جنب النهر ومسبح بحضن الطبيعة

شو رأيكن نطلع على الباروك بهل شوبات؟ خلونا نعرفكن على مطرح كتير مهضوم بالشوف لكل محبي القعدات بالطبيعة. جنينة ياسمينة بتستقبلكن على قعدة جنب النهر، نومة ببيت الجبل، ومسبح بحضن الطبيعة.

جنينة ياسمينة مطرح مميز هالصيفية إذا عبالكن قعدة جنب النهر الجاري. قاعدة على ضفاف نهر الباروك وبتتميز بمنظر روعة وقعدة تحت فيّ الشجر بين نسمات الهوا اللطيفة. دعسة حجر وجنينة ورد وقعدات خشب وصوت الميّ، كلو رح يسحركن بهل جنة!

بتلاقوا عند جنينة ياسمينة القعدة الرايقة والخاصة بالطبيعة، بيوت ضيافة جبلية بتستقبلكن على قعدة حلوة وجو مريح ومكنكن وبتلاقوا فيها كل وسايل الراحة. والصبحيات بتجربوا لقمة بلدية وترويقة لبنانية غير شكل على فنجان قهوة أو كباية شاي بتروق الراس.

بتقدروا عند جنينة ياسمينة ترخوها جنب المسبح الكبير وقدامكن مناظر ساحرة، أو تغطسوا بالنهر كل النهار. جو مميز وقعدة حلوة لتنبسطوا بالصيفية على المزبوط. بتعملوا مشاوي مع أصحابكن أو العيلة، وبتاكلوا غدا طيب جنب النهر.

بتتمشوا على الجسر الزغير اللي فوق الميّ، بتتأملوا بجمال الطبيعة بالجنينة، بتقعدوا على المراجيح وبتعملوا أجمل الذكريات مع أحبابكن. مكان مميز لمحبي الطبيعة والرواق هالموسم.

كمان عندن قعدة بالهوا الطلق ساحرة الجمال لتسهروا أحلى سهرة على النهر وتحت النجوم. جلسة تحت فيّ الشجر ومخباية عن العالم!

للمزيد من المعلومات، اتصلوا على 505 255 70.

شوفوا كمان، من سانتوريني ع أنفه: رحلة ممتعة على بيت ضيافة من الأحلام