بيت سليمة: بيت جبل بقعدة رايقة بين صنوبر المتن

كلنا من فترة للتانية بحاجة لعطلة، وهلق لأنو صرنا على بواب الخريف، ما في أحلى من تجربة النومة بالجبل بقلب بيت لبناني تراثي! اليوم قررنا نطلع على جبال المتن، ونخبركن عن بيت ضيافة مميز. تعرفوا معنا على بيت سليمة، بيت جبل بقعدة رايقة ومناظر ساحرة.

إذا انتو من محبي قعدة الرواق، كتير رح يعجبكن بيت سليمة! بيت جبل مع قعدة على الهدا، عندو نسمة هوا بترد الروح ومغمور بريحة شجر الصنوبر.

هالبيت ساحر الجمال وعندو موقع جبلي مميز. بيطل على أعالي الجبال بالمتن من ميلة، وعلى كنيسة الضيعة من ميلة تانية. بيت غير شكل بتلاقوا بقلبو الراحة النفسية والفرحة.

بيت سليمة بيتميز بالديكور المرتب اللي بيجمع الجو الكلاسيكي القديم بالقعدة المودرن الهادية. ألوان لطيفة، شبابيك مقنطرة، لوحات فنية، أوض شرحة مغمورة بضو الشمس الطبيعي وبيغزل فيها الهوا غزل!

بتجتمعوا مع العيلة أو الأصحاب على جو لطيف وعشا طيب بقلب بيت جبل تراثي، في أحلى من هيك؟

بتنبسطوا بقعدة على التراس بين الشجر العتيق، بتقعدوا على المرجوحة وقدامكن جاط فواكة. مع صوت الطبيعة، جرس الكنيسة، لفحات الجبل، ونفس الضيعة رح تعيشوا لحظات ما بتنتسى!

وبتبيتوا ليلة غير شكل بجو مريح وقعدة مرتبة، أوض مكنكنة ناطرتكن لتناموا ليلة من العمر!

شو ناطرين؟ للمزيد من المعلومات، اتصلوا على 833 337 71

شوفوا كمان، ٧ محلات عندن صبحية بيتوتية بلبنان