٥ مطارح ع البحر لتستمتعوا بمغيب الشمس بلبنان

بتحبوا تشوفوا المغيب وتنسوا الدني؟ جبنالكن ٥ محلات على البحر بلبنان، فيكن تعيشوا فيها أجواء خرافية وسهرات رومانسية. مشوا نتفرج عالغروب ونتمتع بأجمل الأكلات والمشروبات بجو عفوي وبحب للبحر. تجربة فريدة ومميزة على البحر بانتظاركن عند هل محلات!

١. تايتنز Titans، البترون

هل محل موجود على سطح البحر مستوحى من الأجواء اليونانية، بيتميز بلون الأبيض والأزرق الطاغي. المقاعد والكراسي على الستيل اليوناني واللمبات بيعكسوا الفن الغجري. بهل محل فيكن تحضروا المغيب إنتو وعم تاكلوا أطيب المأكولات الغربية والمشروبات مع صوت المي ونسيم الهوا عم يغمر دينيكن.

الرقم: 596 999 70

٢. كوانوس Kuanos، شكا

مش بس فيكن تشوفوا المغيب، رح فيكن تسبحوا وتنسوا الدني كلا. نايم على البحر وبين الصخور، بتنبسطوا عند هل محل بعشا رومانسي وبتتأملوا مغيب الشمس مع كاس نبيد.

الرقم: 754 749 71

٣. أماريا Amarilla، جونية

مطعم وبحر قاعد بقلب خليج جونية، التراس عندو بياخد العقل لتقعدوا علي تاكلوا أطباق شهية، وتنسحروا بمغيب الشمس وتشوفوا الشمس عم تختفي شوي شوي ورا البحر. قد ما المحل حلو، بدكن تحسبوا حسابكن تتصوروا وتاخدوا صور للبحر حدكن. عملوا حسابكم كمان تحجزوا طاولة على البحر دغري قبل بوقت.

الرقم: 179 888 78

٤. باستيل أون ذا روكس Pastel On The Rocks، البترون

هل محل ما صرلو زمان فاتح بس عم بيجذب كتير عالم وقت مغيب الشمس من ورا موقعو المميز على بحر البترون. القعدة مهضومة ومكننكنة والأكل طيب ومليء. بتحضروا المغيب وبتشوفوا لما السما تغير ألوانها وتعكس الألوان على البحر، بصير المنظر متل شي لوحة فنية.

الرقم: 407 888 70

٥. سي لاونج Se by Ocean Blue، جبيل

أول ما تفوتوا على هل محل رح تحسوا حالكن بغير عالم وغير بلد، من القعدة للموسيقى للأجواء والأكل، عنجد تجربة كتير حلوة. كيف ما تبرموا بتشوفوا مصابيح قش وشجر وورود، والمكان قاعد على شط جبيل يلي لحالو قصتو قصة. تأكدوا إنكن تحجزوا بوقت مغيب الشمس كرمال تشوفوا أكتر مشهد ساحر رح تشوفوا بحياتكن.

الرقم: 333 111 81

شوفوا كمان، ٥ محلات رومانسية على البحر بلبنان.