كيف فيكن تقضوا نهار مميز بضيعة بحمدون؟

ضيعة بحمدون جوهرة مخباية بقضاء عاليه، ومحاوطة بالجبال والوديان الخلابة. هالضيعة مكللة بالأبيض بالشتوية، ومصيف للسياح بالصيفية، ومألفة من بحمدون الضيعة وبحمدون المحطة وفيها تجارب مميزة. طالما طقس الخريف حلو ولطيف لهيك مشاوير، خلونا نطلع كزدورة على بحمدون ونشوف شو مخبى بقلب هالضيعة. تعرفوا معنا بالمقال كيف فيكن تقضوا نهار مميز بضيعة بحمدون.

شو فيكن تعملوا بطبيعة بحمدون؟

1. إكتشفوا الطبيعة الجبلية الساحرة ببحمدون

ضيعة بين الوديان والجبال، وعندها إطلالة بتسرحوا فيها ساعات.

2. تفرجوا على غروب الشمس من بين الغيوم

وفيكن تعملوا بيكنيك من فوق الجبل

شو فيكن تعملوا بقلب بحمدون الضيعة؟

3. إبرموا بحارات الضيعة وتفرجوا على البيوت القديمة

بتتميز بالبيوت اللبنانية التراثية والأماكن الأثرية المهجورة. وبتلاقوا بكل بيت عريشة عنب مزينة المدخل!

4. جربوا حلو التمرية، بس بتلاقوا عند مقهى ورد ببحمدون

حلو بسيط وخفيف، وبينشغل على الإيد!

5. شاركوا بموسم قطف العنب مع أهل الضيعة

شو أحلى المواقع الأثرية ببحمدون؟

6. إكتشفوا محطة بحمدون الأثرية

محطة قطار مهجورة ببحمدون، كانت بتوصل بين سوريا وبيروت.

ما بقي منها إلا آثار قديمة بتزين بحمدون المحطة.

7. زوروا كنيس بحمدون المهجور

قبل الحرب الأهلية، كان في حوالي الـ 4000 يهودي ببحمدون، وتعمر هالكنيس بأوائل القرن ال 20 ويعتبر آخر معبد لليهود بلبنان. تسكر الكنيس بال 1976 بعد دخول الجيش السوري، واليوم بقي منو مبنى اثري مهجور كتار بيحبوا يزوروا ويكتشفوا.

وين في تجربة مميزة وأكل طيب ببحمدون؟

8. جربوا عشا طيب وإتعرفوا على صناعة النبيد عند Iris Domain

معصرة ساحرة بين كروم العنب والبساتين الساحرة بالخريف، عندن جو رومانسي وكلاسيكي بياخد العقل.

بتتعرفوا عندن على صناعة النبيد، بتدوقوا النبيد المحلي اللي بيعملوا، وبتجربوا عشا مميز على صوت البيانو.

الرقم: 879 900 78

9. عيشوا أحلى أجواء الخريف عند Le Telegraphe de Belle Vue

هالمطرح عبارة عن مطعم ومعصرة نبيد تراثية وكمان بوتيك أوتيل. عندن قعدة رومانسية بين الزيتون والشجر العتيق، أطباق موسمية شهية، وتجربة نبيد محلية.

الرقم: 073 260 05

وين فيكن تقضوا ليلة غير شكل ببحمدون؟

10. قضوا ليالي وأيام من العمر بـ Cherry Blossom Boutique Hotel

واحد من أجمل البوتيك أوتيل بلبنان. عندو مناظر جبلية حلوة، قعدة بلكون رومانسية، أكل طيب، غرف مريحة، وجو تراثي غير شكل.

الرقم: 770 129 71

11. عيشوا لحظات مميزة بقلب بيت ضيافة تراثي عند Château Cana

معصرة تراثية ببحمدون المحطة، بتطل على الوديان ومغمورة بكروم العنب.

عندن بيوت ضيافة بجو مكنكن ورومانسي كتير بتناسب مشوار خريفي بتشرين.

الرقم: 043 340 81

خبرونا بالتعليقات، عجبكن المشوار على بحمدون؟

شوفوا كمان، كيف فيكن تقضوا أحلى مشوار الخريف بصوفر؟