ه مطاعم مع قعدة مكنكنة بلبنان

بهل طقس يلي عم يتقلب ويتغير بسرعة، كلنا صار عبالنا نقعد قعدة خريفية مكنكنة وحلوة، شوفوا معنا هل ه مطاعم مع قعدة مكنكنة لتقضوا فيها وقت ما بينتسا مع أحبابكن.

١. لانتروكوت La Place de L’entrecôte by Mr Joe، الكاسليك

مطعم فرنسي رومانسي بيتميز بقعدة مكنكنة على الآخر مع أضوية خافتة وشموع. الطبق الرئيسي لي بقدموا هوي الستيك مع بطاطا مقلية وصوص مميزة وصحن سلطة ع جنب وما تنسوا كباية النبيد لتدفوا بطنكن. بس تخلصوا فيكن تطلبوا قطعة حلو مع بوظة لتعيشوا التجربة الفرنسية على الآخر.

الرقم: 686 688 03

٢. أو بوا O Bois، الخنشارة

هل مطعم عبارة عن بيت خشب قاعد بقلب الغابة وجايبلكن أطيب الأطباق العالمية المحضرين بطريقة بيتوتية ومقدمين بحب وإحترافية. جربوا البيتزا، الشوربا إذا مسقعين، السلطات ومختلف الأصناف الباردة والسخنة لي بتوصل بطريقة مميزة عطاولتكن. عيشوا هل تجربة مع حدا بتحبوا وما تنسوا طبق الحلو بعد الأكل لتستأنسوا بكل لقمة وكل ثانية.

الرقم: 752 345 03

٣. فلينت Flint، ضهر الصوان

بقدملكن قعدة بالجبل وبقلب بيت حجر عتيق مع شموع وأضوية خفيفة، عندو الأكل العالمي والأجواء الساحرة والقعدة الرومانسية، بتلاقوا جلسة مكنكنة فيها موسيقى، كراسي وطاولات خشب وقناطر عتيقة، شي بياخد العقل.

الرقم: 375 864 71

٤. لوكاندا ألا غراندا Locanda a La Granda، جبيل

نظرة إيام بتغير كل شي وبتنسينا كل شي صعب عشنا بنهارنا، هل مطعم عندو منظر على قلعة جبيل والبحر يعني نظرة وحدة كفيلة تحسسكن بالحنية والأمان لتنسوا همومكن. بقدم مأكولات عالمية ومشروبات وحلو روعة مع جو مكنكن على الآخر خرج قعدة رومانسية أو قعدة أصحاب حميمة.

الرقم: 333 946 09

٥. مكان، مار مخايل

بيت بيروتي قديم بيستقبلكن بحب وبقدملكن أطيب الأطباق الهندية والآسيوية بجو مكنكن ولطيف بحسسكن إنكن بشي مطعم بشي جزيرة بعيدة كتير. أحلى شي بهل محل هوي لما توصل الشتوية وتصير القعدة جوا مكنكنة وتصيروا مبسوطين بكل لقمة وبكل تفصيل زغير.

الرقم: 057 954 70

شوفوا كمان، ٣ محلات طاووق على الفحم بلبنان.