٥ مطاعم مكنكنة لعشا رومانسي مع الشريك بلبنان

عبالكن مشوار دافي ومكنكن مع الحبيب، عشا رومانسي على ضو الشموع؟ مشوا معنا على 5 مطاعم لعشا دافي مع الشريك بلبنان.

1. La Creperie، جونية

مطعم رومانسي بيطل على ساحل جونية، بيتميز بالجو الدافي والقعدة الكلاسيكية.

بتجربوا عشا رومانسي من أطباق فرنسية ولبنانية شهية مع كاس نبيد، موسيقى البيانو، وريحة الورد.

الرقم: 022 202 71

2. Locanda A La Granda، جبيل

هالمطعم بيتميز بالجو المكنكن والقعدة الشتوية الدافية. عندو واجهة مطلة على قلعة جبيل الأثرية وجو قديم بياخد العقل. بتلاقوا عشا رومانسي وأكلات دافية على كاس نبيد والأضوية الخافتة.

الرقم: 333 946 09

3. Yasamin، البترون

هالمطعم جوهرة مخباية بسوق البترون القديم! أول ما تدخلوا على ياسمين بتستقبلكن الموسيقى الكلاسيكية، بتقعدوا بجو رومانسي وتراثي، بتنبسطوا بأطباق شهية وعالمية معمولة بكل إحترافية، وبتستأنسوا مع الشريك بعشا من الحلم.

الرقم: 745 999 71

4. Qortoba، بعبدات

عبالكن عشا رومانسي جنب الشاميني والبيانو؟ مطعم قرطبة بعبدات مخبى بين الصنوبر، وعندو عشا على ضو الشموع وبقلب كهف من الحجر.

وحتى التجربة عندو على التراس بالخريف بتاخد العقل، ومنها بتسرحوا بغروب الشمس على منظر الغابات بالمنطقة.

الرقم: 705 614 71

5. Bavaglino، الأشرفية

الجو الرومانسي ما بيكمل من دون الأطباق الإيطالية وكاس نبيد! هالمطعم الكلاسيكي بياخدكن رحلة على روما من درج مار نقولا بالأشرفية لتستمتعوا بعشا رومانسي مع الشريك بين شوارع بيروت القديمة.

الرقم: 080 091 81

إكتشفوا أحلى المشاوير الرومانسية هون.