٥ محلات بتقدم كنافة ع شوكولا بلبنان…وأسعارها

مين عبالوا يبلش نهاروا بكعكة كنافة غير شكل ملغومة شوكولا بدوب بالتم؟

١. كنافة كلوب Kunafa Club، أنطلياس

عبارة عن مصنع ومخبز كنافة، وعندو أشهر طبق “الكنافة على شوكولا” يلي محضر من طبقات الشوكولا الطري والسميد المحمر، هالكعكة الطيبة رح ترضي عشاق الشوكولا والكنافة سوا. وغير هيك بحضروا كمان غاتويات كنافة على شوكولا لكل حدا عبالو شي بأعياد الميلاد.

الكعكة: 000 290 ل. ل.
الرقم: 979 556 03

٢. كنف، كورنيش المزرعة

هالمحل عم بحضر كنافة مع صوص شوكولا بتستحلوها بس يجي عبالكن تخبصوها على الصبح، بيشوي الكنافة قدامكن بيرجع بقدمها مع شوية قطر وفستق وورد. الجبنة لي فيها أحسن نوعية، وبزيد عليها الصوص شوكولا المر لطعمة مميزة.

الكنافة العادية: 5$
الكنافة: الخشنة: 5.5$

الرقم: 558 231 71

٣. لاباي دور L’abeille D’or، كل الفروع

أكتر حدا انشهر بهالاختراع هوي لاباي دور L’abeille D’or يلي بيتفنن بكعكة الكنافة على الأصول مع صوص شوكولا غير شكل لأصحاب الضرس الحلو وهيك بتحسوا بطعمة الشوكولا والجبنة الدايبة بنفس الوقت.

الكعكة: 000 327 ل. ل.
الرقم: 714 204 01

٤. أو ميال O miel، سن الفيل

بتلاقوا عند هالمحل المميز كل أنواع الكنافة لي بتخطر عبالكن وأكيد من أطيب التحلايات، بتبقى الكنافة بالكروسان مع شوكولا. الخبزة طرية والكنافة فيها قرشة حلوة وملغومة شوكولا، ما فيكن تقاوموا هل طعمة!

السعر: 000 390 ل.ل.

الرقم: 319 000 70

٥. الحلاب، كل الفروع

بقدم أرفع وأفخم أصناف الحلو العربي وبحضرلكن أطيب كعكة كنافة مخبوزة من طبقات جبنة سايحة وسميد وقطر، فيكن تاكلوا هل طعمة الطيبة بالكعكة أو بالصحن وتدعموها منيح بصوص الشوكولا.

الكعكة: 4$
الصحن: 6$

الرقم: 1881

شوفوا كمان، ٨ محلات هوت تشوكولات لازم تجربوها بلبنان.