شو مشاريعنا
٦ بيوت ضيافة وأوتيلات بتاخد العقل بالأرز
ما في أحلى من إنو نسافر بقلب بلدنا ونعيش تجربة جبلية من العمر. لهيك اليوم رح نعرفكن على ٦ بيوت ضيافة وأوتيلات مميزة بقلب منطقة الأرز.
١. لا ميزون دي سيدر La Maison des Cedres
هالبيت قاعد بقلب الأرز ومحاوط بشجر الأرز وما في أجمل من القعدة في بس التلج يغطي كل شي. بس تجوا فيكن تقضوا نهار حلو وتناموا بقلب هالبيت الخشب وتروقوا أعصابكن وإنتو مدفايين. يعد هل بيت المكان مثالي للاستمتاع بالترويقة على البالكون أو التمشاية بالضيعة وزيارة القهاوي والكنايس الأثرية المجاورة ببشري.
الرقم: 414 888 71
٢. شاليه دو شارم Chalet de Charme
عبارة عن بيت خشب دافي ومكنكن مجهز بكل وسايل الراحة والتدفئة لتدللوا حالكن وكل شي في رح يخليكن تحسوا حالكن إنكن بحلم طايرين. أجمل شي منظر التلج من برا بس تفيقوا وإنتو قاعدين دفيانين جوا وعم تاكلوا أطيب الأكلات الشتوية والدني عم تتلج، شي رومانسي عالآخر.
الرقم: 523 841 78
٣. بارادايز سيدرز Paradise Cedars
مشروع بيتألف من أكتر من شاليه خشب، غرف النوم واسعة ومرتبة كتير والشبابيك مكشوفين على المنظر الساحر للأرزات والقعدة على التراس الصبح بتفتح النفس. تخايلوا عم تناموا والتلج غامركن، ومنظر غرفتكن بطل على الأرزات والجمال حواليكن.
الرقم: 877 145 70
عبارة عن أويتل مميز قاعد بالأرز، الديكور في جبلي رح تحسوا حالكن بريف سيوسرا وأوض النوم مكنكنين ودافيين رح يذكروكن بدفا بيوت الضيعة. رح تلاقوا كمان قعدة تراس مميزة محاطة بشجر الأرز وبتكشف على الطبيعة.
الرقم: 877 145 70
٥. لو سيدروس أوتيل Le Cedrus Hotel
بدكن تستمتعوا براحة وإسترخاء وجو جبلي؟ ما إلكن إلا هالأويتل المميز لي مش بس النومة عندو من العمر حتى الأكل والشرب من عالم تاني. من خلالو بتسافروا على سويسرا، وبتعيشوا أحلى إيام حياتكن وبتناموا نومة على أجمل منظر لبياض التلج.
الرقم: 777 413 70
٦. شالي سان ميشال Saint Michel Chalets
عم تحلموا برحلة جبلية عآخر الدني؟ سان ميشال بأجنحتو المميزة هوي المكان المثالي بدون شك، والغرف لي لإلو مكشوفة على أجمل المناظر وخصوصي وقت الشتا والبرد. هربوا لهونيك مع حدا كتير بتحبوا وعيشوا فترة رومانسية ساحرة مع التلجات.
الرقم: 881 889 70
شوفوا كمان، قعدة وزينة: ٨ كافيهات بأجواء عيد كريسماس!