شو مشاريعنا
٥ بيوت ضيافة جبلية مع بيسين شوفي بلبنان
اليوم حبينا نحضرلكن ليستا من أحلى بيوت الضيافة بلبنان مع بيسين شوفي لكل حدا حابب يعيش تجربة فريدة ومميزة هالشتوية! هالبيوت الضيافة الجبلية موجودين وجاهزين ياخدوكن بجو رومانسي وممتع مع أكتر حدا عزيز على قلبكن. ضبوا الشنطة وما تنسوا المايو لتتمتعوا بأجمل أوقات الشتوية بلبنان هالموسم!
١. أوك ريدج، فقرا
عبارة عن أويتل، سبا، ومطعم بقدملكن تجربة جبلية ساحرة بقلب فقرا، عندن بسين شوفي داخلي لكل مين حابب يعيش هالتجربة المميزة بالشتوية مع منظر التلج داير من دار.
الرقم: 009 707 70
٢. كاسادار، طريق عنايا
بيت ضيافة فخم مخبى بالطبيعة وعندو مطعم وغرف رومانسية مع بيسين شوفي وتخت مرجوحة ومسبح روماني لمحبي المغامرات الفريدة والروقان.
الرقم: 059 019 03
٣. فيلا جوا، فتري
من أجمل بيوت الضيافة لي رح تشوفوها بلبنان، عبارة عن مجموعة فلل مهضومين مألفين من كل وسايل الراحة والفخامة، البعض منها بتضم بيسين شوفي لتعيشوا تجربة مميزة هالشتوية.
الرقم: 863 393 81
٤. كاتالبا، بعقلين
عبارة عن بيت ضيافة فخم جايبلكن تجربة رومانسية خيالية من خلال البيسين شوفي مع شاشة بقلب أوضة النوم، بتغطسوا حالكن بالمي وبتولعوا النار وبتحطوا فيلمكن المفضل إنتو وبأوضة النوم.
الرقم: 089 093 03
٥. منتجع سكابا Scappa Resort، عجلتون
محل رح ياخدكن على غير عالم، ناطرتكن مناظر طبيعية خيالية على الجبال البيضا والطبيعة، عندن بيسين شوفي جواني، جاكوزي ومطعم وسبا مميز لكل مين عبالوا يغنج حالو والشخص لي بحبو.
الرقم: 070 106 70
شوفوا كمان، ٢٥ شغلة مسلية تعملوها مع أصحابكن هالشتوية بلبنان.