شو مشاريعنا
٤ بيوت ضيافة بأحلى قعدة جنب الصوبا
الشتوية بلبنان بتعني القعدة الدافية والكنكنة جنب الصوبا مع الناس اللي بتحبوهن، مع فنجان شاي أو شوكولا سخنة أو كستنا مشوية والأحاديث الحلوة للصبح. لكل اللي عبالو عطلة بقلب مطرح دافي ومكنكن، لقينالكن ٤ بيوت ضيافة بأحلى قعدة جنب الصوبا.
1. Perch Faraya، فاريا
الأجواء بقلب هالبيوت الخشب كتير رايقة ودافية خصوصي لتكنكنوا جنب صوبا مع أحبابكن وتتفرجوا على منظر التلوج برا.
الرقم: 266 552 03
2. The Dome ، كفردبيان
هالبيت القبة بيقدملكن أحلى تجربة دافية بالطبيعة الجبلية، فيه كل وسايل الراحة و الترفيه، صوبا حطب، جاكوزي، ألعاب وأفلام، منظر مفتوح ع الغابة، وقعدة بعيدة عن العالم. مطرح غير شكل للعشاق اللي عم يبرموا ع مطرح خاص وحميمي!
الرقم: 330 331 70
3. كالينا جوي – حالات، جبيل
عبالكن قعدة بانيو مع ورود وشموع وكاس نبيد؟ أو قعدة جنب الصوبا مع حبيبكن بجو بحسسّكن إنكن لحالكن بهالدني كلها؟ وكلو ع منظر البحر وجمال الغروب! كالينا جوي بيت ضيافة رح يقدملكن أجمل قعدة رومانسية ودافية جنب الصوبا بجبيل!
الرقم: 233 122 79
4. فارم فيل الباروك، الباروك
عيشوا جو الريف والبساطة من قلب كوخ خشبي دافي ومكنكن. إسهروا مع أحبابكن ع دفى الصوبا، مع شكولا سخنة وأكل بيتوتي طيب.
الرقم: 811 711 76
خبرونا، أي قعدة جنب الصوبا رح تختاروا هالشتوية؟
شوفوا كمان،عبالكن بيوت ضيافة دافية ع البحر؟