اشيا منحبها
بالفيديو: زرنا أقدم سينما بلبنان من بعد تأهليها بطرابلس
من بعد جهود محلية لإعادة مدينة طرابلس على الواجهة السينمائية والفنية، تم إعادة تأهيل وافتتاح سينما أمبير بطرابلس. هالسينما التاريخية تم بنائها من قبل أنطون حبيب شاهين، وهي تعتبر أقدم صالة سينما بلبنان لم يتم هدمها لليوم، ومتحف حيّ على الحقبة الفنية. قررنا ناخدكن معنا ونفرجيكن بالفيديو على سينما أمبير من بعد تأهيلها، والحلو انو هالسينما والمسرح اليوم مجانيين!
Image: Asharq.com
من أيام الخمسينات والستينات القرن الماضي، كانت مدينة طرابلس عاصمة السينما بلبنان، لدرجة كان فيها لحد ٣١ من صالات السينما وعرض الأفلام ب ١٩٦٣. وكان المسرح عندو جمهور واسع بالمنطقة. كان يعرض فيها للمدينة حفلات مهمة وفنية لأبرز الشخصيات العربية متل نجاح سلام، أم كلثوم، محمد عبد الوهاب، وغيرن. ولكن من بعد الحرب الأهلية، تعرضت كتير من صالات السينما للهدم. وغيرها صار بحاجة لإعادة تأهيل وترميم، و وحدة منن كانت سينما أمبير. فيكن تشوفوا جولتنا فيها بالفيديو هون:
@beirut.com From decades of neglect to a vibrant cultural hub; witness Empire Cinema's inspiring transformation in the heart of Tripoli! 🎬🍿🎭
♬ Maktoub Aleina (Habibi Funk 018) – Hamid El Shaeri
تم إعادة تأهيلها بمبادرة من جمعية تيرة للفنون مع المنتج والممثل اللبناني قاسم إسطنبولي بهدف إعادة المجد للفن والعمل المسرحي بطرابلس. وحالياً، صارت تعرف بالمسرح الوطني اللبناني! اللي صار أول مسرح وسينما مجانية بلبنان بتفتح بوابها لكل الناس تحت عنوان “السينما للجميع”.
خبرونا، رح بتزوروا هالجوهرة الفنية بطرابلس؟
بتحبوا الفن؟ شوفوا كمان،داني توماس، النجم اللبناني اللي لمع عالشاشة الأميركية بالستينات