٨ مسابح خاصة فيكن تستأجروها بلبنان!

وين ضاهرين هالويك-أند؟ خلونا ناخدكن اليوم مشوار صيفي بإمتياز على أماكن غير شكل للسباحة بلبنان، محلات خاصة وبعيدة عن الضجة والعجقة. تعرفوا معنا على ٨ مسابح خاصة لازم تزوروها بقلب لبنان.

١. Private Pool، كفرمتى

هالبيسين الخاص الموجود بكفرمتى هوي الفرصة المثالية للاسترخاء والهدوء بعيد عن ضجة المدينة. تخايلوا حالكن وسط منظر طبيعي خلاب وطقس جبلي معتدل، قاعدين عم تغطسوا حالكن بالمي مع كباية عصير ليمون بتبورد القلب. هالبيسين الخاص رح يخلليكن تنسوا كل همومكن وتشرجوا طاقتكن.

رقم التلفون: 704 586 76

٢. Pavo Private Pool، كفرمتى

دلالوا حالكن وعيشوا تجربة الهدوء التام بالبيسين الخاص بكفرمتى. هالبيسين بأمنلكن تجربة استرخاء فخمة. فيكن تقضوا هون وقت ممتع مع الأصحاب أو العيلة وحتى تحضروا حفلات مشاوي جنب البيسين وتسهروا تحت ضو القمر.

رقم التلفون: 212 141 76

٣. مسبح سليمان، شموت

هالبيسين كتير مميز لأن رح يخليكن تحسوا إنكن قاعدين بقلب شي جزيرة استوائية. رح تلاقوا مرجوحة فوق المي وهيك بتتفرجوا على أجمل المناظر. فيكن كمان تعملوا حفلات أعياد ميلاد أو مناسبات خاصة بجو مميز.

رقم التلفون: 266 133 79

٤. مسبح جواد، بيصور

دللوا حالكن بتجربة مميزة ببيسين جواد الخاص الموجود ببيصور. هالبيسين مصمم بشكل راقي وأنيق ليأمنلكن تجربة مميزة. خدوا لون مميز وتنشقوا هوا الطبيعة النضيف كل هيدا وإنتو مرتاحين على كراسي التشمس المريحة.

رقم التلفون: 568 808 76

٥. Panorama، بطحا

عيشوا عالم الفخامة والراحة النفسية عند هالبيسين يلي جايبلكن إطلالة مميزة على منظر طبيعي خلاب رح يخليكن تنسوا كل شي. تخايلوا خالكن عم تسبحوا بمي مبوردة تحت هالشمس الدافية أو مسترخيين على كرسي مريحة وعم تشربوا كوكتيل من الفواكة الطازة.

رقم التلفون: 111 501 71

٦. Cactus، الدبية

بيجمع بين الاسترخاء والطبيعة الخاصة الموجودة بالدبية. تخايلوا حالكن وسط غابة خضرا بتحيط ببيسين صافي ومكشوف. بتقدروا تقروا كتابكن المفضل أو تعملوا جلسة يوغا على كرسي مريح جنب البيسين. هيدا المحل هوي الجرعة المثالية للاسترخاء وإعادة الاتصال مع الذات.

رقم التلفون: 112 481 03

٧. Koura Camping، الكورة

للي بيحبوا يجمعوا بين الاستجمام والنشاطات المليانة حياة، مسبح Koura Camping بالكورة هوي خياركن المثالي. هالمنتجع بقدملكن بيسين خاص وبيوت خشب مخصصة للنومة، مع مراجيح وألعاب مميزة ومنظر بطير العقل.

رقم التلفون: 209 999 03

٨. Olive Private Pool، سرحمول

بعدوا عن صخب المدينة واختبروا الهدوء والاسترخاء ببيسين Olive الخاص الموجودة بسرحمول. هالبيسين مصمم بطريقة بسيطة وأنيقة ليأمنلكن جو هادي ومريح. هون فيكن تقضوا وقت ممتع مع شريك حياتكن بجو رومانسي أو تستمتعوا بلمة أصحاب بعيد عن كل المحلات المملة وتلوث المدينة.

رقم التلفون: 571 277 71