جوهرة البترون الجديدة: مسبح بيطل ع الجدار الفينيقي!

عبالكن تروقوا راسكن وتروحوا ع عالم تاني؟ صوب سيدة البحر بالبترون، رح بتلاقوا تجربة راحة وإسترخاء من الأحلام. تعرفوا معنا على شمس Shams House Of Wellness، بيقدملكن تجربة Spa، مسبح، خدمات مميزة، وكلو ع منظر فريد!

جوهرة ع البحر بتشهد ع تاريخ المدينة!

Shams House Of Wellness عندو موقع استثنائي ع البحر بخليكن تنبسطوا بتجربة مميزة. مع إطلالة ساحرة على بحر البترون من جهة، وبوجكن الجدار الفينيقي الأثري من جهة تانية، هالمطرح رح يعيّشكن جمال وتاريخ البترون لحظة بلحظة. رح تستأنسوا بالأجواء الصيفية، القعدة ع البحر، صوت الموج، ومنظر الآثار الفينيقية ع الشط اللي ما رح تملّوا منن. خدوا أجمل الصور وإستمتعوا بهوا البحر هالصيف عند شمس!

شو الخدمات اللي بيقدمها Shams House Of Wellness؟

لكل حدا عم يفتش ع الراحة والإستجمام، شمس مقصدكن الأول هالصيفية بالبترون. بيقدم خدمات Spa مميزة متل مساج الجسم بالزيوت الطبيعية، أو مساج الشمع، أو مساج هوت ستون. وحتى بتلاقوا عندن تجربة حمام التلج، وكل هالخدمات عندها فوايد صحية عديدة للعناية بالجسم والبشرة. 

ويمكن من أجمل التجارب اللي ممكن تنبسطوا فيها عندن هي المسبح. عندن المسبح بيطل ع البحر والجدار الفينيقي، مع كراسي للإستجمام وترتاحوا تحت دفى الشمس وبعالمكن الخاص. والمسبح عندن بيفتح من الساعة ١٠ الصبح للساعة ٧ المسا. 

إطلبوا من مشروباتن المنعشة وانبسطوا بالقعدة الحلوة مع أصحابكن أو لحالكن ع صوت الأمواج وريحة البحر. 

لأنو هالمطرح قريب ع كل المواقع السياحية بالبترون، من آثار وسوق ومطاعم، أكيد ما تفوتوا عليكن فرصة إستكشاف هالمدينة البحرية الساحرة. للحجز أو المزيد من المعلومات، اتصلوا على الرقم 688 727 81. 

وما تنسوا تابعوهن ع حساب Shams House Of Wellness على إنستغرام هون. بيفتح من الإتنين للخميس، من الساعة ١٠ الصبح للساعة ٨ المسا، ومن الجمعة للأحد من الساعة ١٠ الصبح للساعة ٩ المسا.

خبرونا، حبيتوا هالمحل؟

شوفوا كمان،