ما تفوتوا معرض الكتاب بسنترو مول هالأسبوع! (الدخول مجاني)

شو ناطركن هالشهر عند سنترو مول؟ من 30 تموز لغاية الأحد 9 آب، رح يستضيف النسخة التانية من معرض الكتاب بعد النجاح الحلو يلي حققته النسخة الأولى السنة الماضية. إذا بتحبوا القراءة، الثقافة، أو حتى عم تفتشوا على نشاط مميز للعيلة والولاد، هيدا الحدث ما لازم تفوتوا!

شو بتلاقوا ب معرض الكتاب؟

رح تلاقوا مجموعة كبيرة ومتنوعة من دور النشر، وآلاف الكتب بمختلف المجالات والاهتمامات، وباللغات العربية والإنكليزية والفرنسية. سواء كنت من عشاق الروايات والخيال، الكتب التعليمية، كتب الأطفال أو التنمية الذاتية، أكيد رح تلاقي شي يعجبكن.

والموضوع مش بس كتب! المعرض بيتضمن ندوات ثقافية مميزة، لقاءات مباشرة مع كتّاب ومؤلفين، حفلات توقيع كتب، بالإضافة لمشاركة صناع محتوى تعليمي على المسرح ضمن أجواء تفاعلية وممتعة. كمان في قسم خاص للولاد مع أنشطة مناسبة لأعمار مختلفة منها ورشات فنية، طبخ، وحتى زراعة الجنينة، ليعيشوا تجربة مليانة اكتشاف ومرح وتعلم.

أوقات المعرض:

يومياً من 30 تموز لغاية 9 آب، الطابق الأرضي – سنترو مول، الجناح. رح يتضمن حفل إفتتاحي الخميس 30 تموز، الساعة 3 الضهر. والأحلى إنو الدخول مجاني للكل!

📖 من الإثنين للخميس: من الساعة 3 بعد الضهر للساعة 8 المسا
📖 الجمعة والسبت والأحد: من الساعة 1 بعد الضهر للساعة 9 المسا

سنترو مول معروف باستضافة فعاليات مميزة بتجمع بين الترفيه والثقافة والتراث، مع تجربة تسوّق متكاملة بتضم أشهر الماركات وأحلى العروضات.

ومعرض الكتاب بيضيف لمسة ثقافية خاصة على هالأجواء، وبيقدّم فرصة رائعة لكل محبي الكتب ليستمتعوا بالقراءة، اللقاءات الثقافية، والأنشطة المتنوعة ضمن مكان بيجمع الكل.

جهّزوا ليستا الكتب يلي بدكن ياها، وخدوا ولادكن وأصحابكن، واستمتعوا بأسبوع مليان معرفة، إلهام، ونشاطات حلوة. ناطرينكن بمعرض الكتاب الثاني – سنترو مول ! 📚✨

تابعوهن ع انستغرام هون لتعرفوا كل جديد.

شوفوا كمان:

أخيراً رحلات بحرية بين لبنان-قبرص: الأسعار، الجدول وكيفية الحجز