جلسات علاج نفسي بتبلش ب30$ وأونلاين كمان…تعرفوا ع هالعيادة!

بآخر كم سنة، تطور الحديث عن الصحة النفسية بلبنان. ومع الظروف الصعبة اللي مرق فيها البلد، صار كتار عم يفتّشوا على علاج نفسي يكون فعّال، مهني، وبنفس الوقت متاح ومناسب من ناحية الكلفة.

من هون إجت فكرة Cognitive Analytica، اللي تأسست سنة 2025 بهدف إنو تسهّل الوصول للعلاج النفسي وتقدّمه بطريقة أوضح وأقرب لاحتياجات كل شخص. فالصحة النفسية ما بتتبع نموذج موحد للكل، خاصةً بأوقات الحرب والخسارة. هي بتحتاج لمقاربة تراعي ظروف وتجارب كل شخص وخصوصيتها.

شو هي Cognitive Analytica؟

ورا Cognitive Analytica علي-سباستيان ميرداس، وهو اختصاصي نفسي صناعي وتنظيمي، وبإدارة شربل الحداد، المعالج النفسي المرخّص اللي ساهم بوضع الإطار العلاجي وآلية العمل بالمؤسسة. ومن انطلاقتها، ما كان الهدف بس افتتاح مركز علاج نفسي جديد، ولكن تقديم نموذج أكتر تنظيم ومرونة، بيحط احتياجات الشخص بالدرجة الأولى.

المؤسسة بتوفّر جلسات علاج نفسي أونلاين أو حضورياً، ليقدر كل شخص يختار الطريقة اللي بتناسبه. كمان الخدمات متوفرة بالعربي والإنكليزي والفرنسي، حتى تكون متاحة لشريحة أوسع من الأشخاص بلبنان وبرا.

الفريق العلاجي بيعتمد بشكل أساسي على أساليب علاجية مبنية على الأدلة العلمية، وخصوصًا العلاج السلوكي المعرفي (CBT)، اللي يعتبر من أكتر أنواع العلاج النفسي دراسةً واستخدامًا حول العالم. وبعيدًا عن فكرة “علاج واحد للكل”، بيتم تصميم الخطة العلاجية بحسب ظروف كل شخص وأهدافه الخاصة.

شو الخدمات اللي بيقدموها؟

خدمات Cognitive Analytica بتشمل:

• العلاج النفسي الفردي
• علاج الأزواج
• العلاج العائلي
• مسارات علاج بإشراف متخصصين
• برامج للصحة النفسية بالمؤسسات والشركات

وكمان بتركّز المؤسسة على استمرارية الرعاية النفسية، حتى يضل الشخص عنده دعم منتظم ومتابعة خلال رحلته العلاجية.

العلاج النفسي أونلاين صار جزء أساسي من رسالة المؤسسة، لأنه بيساعد كتير أشخاص يتخطّوا عوائق كانت تمنعهن من المتابعة، متل: المواصلات، البعد الجغرافي، ضيق الوقت، صعوبات الحركة، وحتى التهجير أو النزوح. وهيك بصير أسهل على الشخص يوصل للعلاج بشكل منتظم ومن مكان مريح لإله.

واقع الصحة النفسية بلبنان عم يشهد تطور دايم. المنظمات اللي عم تركز على سهولة الوصول للخدمات، والعلاجات المثبتة علمياً، والاهتمام بمتطلبات الفرد، عم تساهم برسم ملامح نهج أحدث وأكتر تنظيم للدعم النفسي.

أديه بتكلف؟

بعض جلسات العلاج النفسي بلبنان ممكن توصل كلفتها لـ150$ للجلسة الوحدة. أما Cognitive Analytica فبتعتمد نظام أسعار متدرّج بهدف تخلي العلاج متاح للكل، مع الحفاظ على مستوى مهني عالي.

الجلسات مع معالجين نفسيين مرخّصين ببداية مسيرتن المهنية بتبلّش من 45$ للجلسة. الجلسات مع أخصائيين نفسيين مرخّصين وعندن خبرة أكبر بتبلّش من 60$ للجلسة.

كمان المؤسسة بتوفّر خيار علاج بكلفة مخفّضة 30$ للجلسة. هالجلسات بتكون أونلاين حصريًا، وبيقدّمها متدرّبون ومستشارون بالعلاج النفسي ضمن برنامج تدريبي منظّم، وتحت إشراف مباشر ورسمي من أخصائيين نفسيين مرخّصين.

سعر الجلسة بيختلف حسب مؤهلات المعالج، خبرته، اختصاصه. وبهالطريقة بيحاولوا يخلّوا الخدمات النفسية متاحة أكتر للناس اللي بحاجة إلها. تفاصيل أكتر عن هيدي الجلسات بالرابط هون.

كيف تحجز جلسة

عملية الحجز بسيطة، وكل اللي عليك تعمله هو:

• تعبّي معلوماتك الشخصية
• تختار إذا بدك جلسة أونلاين أو بالحضور الشخصي
• تحديد الخدمة اللي بتهمّك
• اختيار التاريخ والوقت المناسبين إلك

لحجز جلسة مع Cognitive Analytica، اكبس هون.

إذا بتعرف حدا ممكن يستفيد من دعم نفسي أو عم يفتّش على مساحة آمنة للمساعدة، شارك معه هالمقال. أوقات خطوة صغيرة ممكن تكون بداية تغيير كبير.

شوفوا كمان:

أول حديقة دمج بلبنان، بارك لكل الولاد!