بعيد عن عجقة الشط…12 وجهة طبيعية لتبوّرد هالصيف!
عجقة الشط هالموسم خيالية! إذا عبالك تفتش ع محل أروق تبرد فيه هالصيف، في بدائل كتير غير البحر. جمعنالكن 12 وجهة طبيعية تقصدوهن لتبوردوا بعيد عن عجقة الشط.
1. بحيرة شوّان
2. شلالات أفقا
بيعتبر من أبرز الشلالات بلبنان، وبيمتاز بتدفق مياهه القوية وبرودتها عند منبع نهر أدونيس.
3. عيون السمك
وجهة طبيعية روعة لتبعدوا عن شوب الصيفية، لأنو مي الينابيع باردة ومنعشة، والشجر المليان خضار بيأمن فيّ بكل زاوية بتقعدوا فيها.
4. شلالات الرويس – العاقورة
هالبرك الفيروزية الحلوة موجودة تحت شلالات متدفّقة، وبتعطيك مطرح منعش لتبوّرد بعد مشوار مشي.
5. نهر بعقلين
هالنهر من أشهر الأماكن الصيفية بالشوف. وبيقدملكن كتير محلات فيكن تغطّسوا فيها إجريكن أو تسبحوا بميّ الجبل النقية.
6. نهر حمانا
نهر هادي محاط بشجر الصنوبر المعطر ومناظر جبلية، وفيه برك طبيعية مثالية لسباحة منعشة.
7. شلال سرجبال
شلال مخبى بقلب الطبيعة، بيقدم لهواة المغامرة مسبح طبيعي خلاب وأجواء هادية بعيدة عن ضجيج العالم.
8. شلال كفرحلدا
شلال معروف بطبيعته الخضرا والمي الباردة. مطرح ممتاز لترتاح وتستمتع بالطبيعة.
9. بركة العروس – المختارة
بركة صخرية طبيعية بتتغذّى من ينابيع الجبل، وفيها مي صافية وجو هادي.
10. شلالات يحشوش
مجموعة شالالات بتكوّن برك طبيعية على طول الدرب. وجهة طبيعية ممتازة ليوم من المشي والسباحة.
11. بحيرة شبروح
مشهورة بلون الميّ اللي بيعكس الطبيعة المحيطة فيها، وبتوفّر ملجأ رايق بنص المناظر الجبلية.
12. نهر الجاهلية
هالنهر الهادي بيلف حوالين شمال لبنان، وبيقدم أماكن سباحة طبيعية محاطة بمناظر صخرية.
في مطرح طبيعي بلبنان نسينا نذكره؟ إذا بعدكن بتميلو تروحوا ع البحر، فيكن تشوفوا قسم الشواطئ على موقعنا.
