“يمنع دخول مشجعين ألمانيا”…نادي رياضي عامل بلبلة هالمونديال!

نحنا متأكدين إنّ صاحب هالجيم بيشجع برازيل!

رغم إنّو لبنان ما وصل ولا مرّة لكأس العالم، بس جمهور الفوتبول بالبلد بياخدوا تشجيع المنتخبات على محمل الجدّ.
Beast House، وهو جيم للشباب بمنطقة الشياح، نشر بوست مهضوم بيمنع فيه دخول مشجّعي ألمانيا لعندهن خلال الموسم. بس إذا عنجد صاحب النادي بيشجع برازيل، يمكن يكون مش عم يمزح…

الشعب اللبناني عندو أسلوب خاص ليعيش أجواء كأس العالم. وكلنا منعرف إنّو المونديال مليان بلحظات تاريخية بتضل محفورة بالذاكرة. مين بينسى لما ألمانيا ربحت ع البرازيل بنتيجة 7-1 بمونديال 2014؟ وقتها “أبو جاد”، صاحب سناك مشهور بعاليه ومعروف بحبه لألمانيا، زاد ساندويشة عالمينو عنده وسماها “7-1”.

عندكن قصص عن كأس العالم بتحبوا تشاركونا ياها؟ خبرونا! وما تنسوا تشوفوا قسم #كأس العالم 2026 لمزيد من المحتوى.

شوفوا كمان:

كأس العالم 2026: جدول مواعيد المباريات ع توقيت بيروت