بعد إنفجار 4 آب…مطعم إم نزيه رجع على الأشرفية!

بعد ستّ سنين على انفجار 4 آب، رجع مطعم إم نزيه يفتح أبوابه بالأشرفية، بعد ما تعرّض لأضرار كبيرة من ورا الانفجار. هالافتتاح ما بيمثّل بس رجعة مطعم محبوب، بس كمان رجعة لمكان بيحمل ذكريات حلوة لكتار.

من سنين، كان مطعم إم نزيه الوجهة المفضّلة لعشّاق الأكلات اللبنانية البيتية، ولمّة العيلة والأصحاب حوالين سفرة أصيلة. واليوم، عم يرجع يستقبل زوّاره بفرعه الجديد، مع الحفاظ على الهوية والطابع اللي ميّزوه من أول يوم.

الفرع الجديد موجود بفرن الحايك، مقابل ABC الأشرفية، وبيحمل نفس الروح التراثية اللي بيعرفها الكل، سواء من فرع الحمرا أو الفرع السابق بالأشرفية. الديكور مستوحى من بيوت بيروت القديمة، مع تفاصيل خشبية، لمسات تراثية، وبلكون بيطلّ على الأشرفية وبيعطي المكان جوّ بيروتي أصيل.

أما المنيو، فبعده محافظ على النكهات اللي خلّت الناس تحب إم نزيه: أشهى المأكولات اللبنانية البيتية، أطباق يومية طازة، ووصفات بطعم مميز. وكمان، السهرات الترفيهية رح تكون جزء أساسي من التجربة، مع أجواء موسيقية ولمّة بيروتية ما بتتفوّت.

إذا كنت من محبّي إم نزيه، ما تفوّت الافتتاح الكبير نهار الجمعة 24 تموز، وخليك ع متابعة لحسابن على إنستغرام لتعرف كل جديد.

شوفوا كمان:

أضخم نادي رياضي جايي عالواجهة البحرية ببيروت…تعرفوا أكتر!