تجربة سينما بالهوا الطلق وصلت ع البترون!

الصيف بلبنان ما بيكمل إلا بسهرة تحت ضوّ النجوم!  وهالمرة، موعدكن مع “تحت القمر”، تجربة سينما خارجية رح تعيشكن ليلة صيفية ما بتنتسى بـ البترون فيلدج كلوب، بين فيلم، موسيقى، أكل طيب، وأجواء مستوحاة من Mamma Mia! 

نهار الخميس 23 تموز 2026، الأبواب بتفتح من الساعة 7:00 المسا، لتلحقوا تستمتعوا بغروب الشمس، وتعيشوا أجواء الصيف قبل ما يبلّش عرض الفيلم الساعة 8:30 المسا. خلال هالوقت، فيكن تسترخوا على الموسيقى، تتلذذوا بالمشروبات المنعشة والأكلات الطيبة، وتاخدوا أحلى الصور مع أصحابكن قبل بداية العرض.

ولتكمل التجربة، الـ Dress Code مستوحى من Mamma Mia!: ألوان صيفية، لوكات مريحة، ولمسة يونانية بتضيف سحر خاص على الليلة. سواء جايين مع أصحابكن، مع العيلة، أو ككابل، هيدي السهرة معمولة لكل مين بحب السينما والأجواء الصيفية المفتوحة.

أما بالنسبة للقعدة، فيكن تختاروا بين Bean Bags المريحة، أو تحجزوا Couch Seating إذا كنتوا مجموعة من 3 لـ10 أشخاص، لتستمتعوا بالفيلم سوا بجلسة خاصة ومريحة. وأسعار التذاكر بتتراوح بين 15$ و25$، بحسب نوع القعدة اللي بتختاروها.

إذا بعدكن عم تفتشوا على سهرة مختلفة هالصيف، تجمع بين السينما، الموسيقى، الأكل، والغروب الحلو تحت السما، فما تفوّتوا “تحت القمر”. ليلة رح تتركلكن ذكريات حلوة وتخلّيكن تعيشوا سحر الصيف بالبترون.

📅 الخميس 23 تموز 2026

🕖 فتح الأبواب: 7:00 المسا

🎬 بداية الفيلم: 8:30 المسا

📍 Batroun Village Club

👗 Dress Code: مستوحى من Mamma Mia!

🎟️ أسعار التذاكر: بين 15$ و25$ (بحسب نوع القعدة). الحجز عبر الرابط هون.

خلّوا هالصيف يحمل ذكرى جديدة، واجتمعوا مع اللي بتحبّوهن تحت القمر بليلة سينمائية ما بتننسى. 🌙🎬

شوفوا كمان:

وين تاكل بالبترون؟ أحلى 40+ مطعم بكل البترون هالصيف