من البحر دغري عالطاولة…هيدا من أجمل مطاعم صور!

إذا في محل بيختصر الصيف بمدينة صور، فهو SOL sur mer. قاعد على شط الجمل، وبيجمع بين البحر، المأكولات البحرية الطازة، والقعدة اللي بتطول بلا ما تحسّوا بالوقت.

أول ما توصلوا، رح تكونوا قدّام البحر دغري. فيكن تبلّشوا نهاركن بفنجان قهوة، تقصدوه للغدا، أو تروحوا قبل الغروب لتستمتعوا بوحدة من أحلى الإطلالات على البحر بالجنوب.

أما إذا كنتوا من عشّاق السي فود، فهالمكان رح يعجبكن. المنيو مليانة مأكولات بحرية طازة وأطباق لبنانية منحبها، بتتقدم مع إطلالة بتخلّي التجربة أروع.

وأكيد ما تكتفوا بالأكل! بعد الغدا، انزلوا عالبحر، تمددوا ع الشط، وخدوا وقتكن تستمتعوا بالشمس والهوا. هون الفكرة إنكن تقضّوا نهار كامل، مش بس غدا.

الأجواء مريحة وبعيدة عن العجقة، وبتناسب ضهرات الأصحاب، العيلة، أو حتى إذا حابين تمضّوا نهار هادي على البحر.

وإذا قدرتوا توصلوا قبل الغروب، ما تضيعوا الفرصة. منظر الشمس وهي عم تغيب ع البحر، مع صوت الموج ونسمة الهوا، هو يمكن أحلى جزء من الزيارة.

إذا كنتوا رايحين على صور هالصيف، حطّوا SOL sur mer على ليستا مشاويركن.

📞 للحجز: 713 750 70

📱 تابعوهن ع انستغرام هون

شوفوا كمان:

رسمياً: مدينة صور القديمة ع لائحة التراث العالمي المهدّد بالخطر