صار في شط بس للسيدات بطرابلس!

بنات، إذا عبالكن نهار بحر براحة، خصوصية، ومن دون أي إزعاج، بلاج اللوزي بالبحصاص – طرابلس صار يخصّص كل ثلاثاء وخميس للسيدات بس.

من 8 الصبح لحدّ 2 بعد الضهر، فيكن تستمتعوا بنهار إلكن… تسبحوا، تتمشّوا عالرمل، تاخدوا لون، وتسترخوا بأجواء كلها راحة وخصوصية، سواء كنتوا ضاهرين مع رفقاتكن، أخواتكن، أو بناتكن.

الدخولية 10$، والمكان مجهّز بكل شي بتحتاجوه لنهار مريح، من غرف تبديل وكابين وحمّامات، لشط رملي نضيف وبحر هادي ومش عميق، مناسب حتى للصغار.

وكمان إذا بتلبسوا بوركيني، فهو مسموح. وفيكن تجيبوا أكلكن وأغراضكن معكن، أو تستريحوا مع قهوة أو مشروب بارد من Seaside Café المطلّ عالبحر.

أما إذا ما لحقتوا أيام السيدات، كمان بلاج اللوزي بيفتح يوميًا من 8 الصبح لحدّ 6 المسا بأجواء عائلية. يعني يمكن هيدا يكون واحد من أحلى اكتشافات الصيف بالشمال!

📍 البحصاص – طرابلس
👩 أيام السيدات: كل ثلاثاء وخميس | 8 الصبح – 2 بعد الضهر
💵 الدخولية: 10$
📞 التواصل: 436 959 03

شوفوا كمان:

عام وببلاش…شط ضبية الرملي رجع من جديد!