تخليداً لذكراها.. وزارة البيئة تطلق جائزة منى خليل للالتزام البيئي

وزارة البيئة اللبنانية أطلقت جائزة جديدة بتحتفي بالأشخاص والمؤسسات يلي عم يشتغلوا على حماية البيئة الطبيعية بلبنان. الجائزة يلي حملت اسم الناشطة البيئية منى خليل، رح تكرّم المشاريع والمبادرات يلي إلها مساهمة فعلية بالحفاظ على الطبيعة والتنوّع البيولوجي بلبنان.

منى خليل ما كانت بس ناشطة بيئية. لعقود، صارت اسم معروف لكل شخص بيهتم بساحل لبنان. كرّست حياتها لحماية السلاحف البحرية المهدّدة بالانقراض والحفاظ على واحد من أكتر الأنظمة البيئية هشاشة بالبلد.

ومن خلال المحمية يلي أسّستها بالمنصوري، تعلّم أجيال من زوّار و متطوّعين وولاد أهمية الحفاظ على البيئة، والدور يلي في كل شخص يلعبه بحماية الطبيعة.

للأسف، منى خليل توفّت متأثرة بإصابتها جرّاء غارة جوية معادية استهدفت منزلها بالمنصوري، صور، بتاريخ 20 حزيران 2026. بس شغلها بعده مستمر من خلال الأماكن يلي ساعدت بحمايتها، والناس يلي ألهمتهن على مرّ السنين.

وتسمية هالجائزة باسمها خلّتخا أكتر من برنامج لتكريم الأشخاص. هي تحيّة لامرأة كرّست حياتها لحماية الطبيعة، وأثبتت إنو الحفاظ على البيئة ممكن يترك أثر طويل الأمد على مجتمعات بأكملها. ومن خلال هالجائزة الجديدة، الوزارة بتطمح لتسلّط الضو على الجهود البيئية يلي بتتخطّى مجرد التوعية، وبتخلق تغيير ملموس ومستدام على المدى الطويل.

كل شخص أو جهة مهتمّة بالتقديم عندها مهلة لنهار الإثنين 28 أيلول 2026 لتقدّم طلبها. شروط الأهلية، طريقة التقديم، و المستندات المطلوبة موجودين هون

شوفوا كمان:

من سوبرماركت لمطاعم متنوعة…كل شي ناطركن بـ Al Forno فردان!