يوم صحي مجاني بحديقة الصنايع ببيروت، التفاصيل هون

إذا إنتو أو حدا بتعرفوه بحاجة لاستشارة طبية، هيدي فرصة ما لازم تفوتكن. حركة بادر عم تنظّم يوم صحي مجاني ببيروت تحت شعار «بادر من أجل صحتك»، ورح يكون في أطباء اختصاصيين جاهزين ليستقبلوا الناس ويقدّموا استشارات مجانية بـ10 مجالات طبية مختلفة.

تنظمّت المبادرة بالتعاون مع عدد من الأطباء الاختصاصيين، كلية الطب بجامعة بيروت العربية، HEAL، وجمعية سعيد للتوعية بسرطان القولون والمستقيم.

استشارات طبية مجانية

رح يكون في أطباء متواجدين للاستشارات المجانية بـ 10 تخصصات طبية:

• جراحة عامة
• طب الأطفال
• طب العظام
• طب العيون
• طب العائلة
• طب القلب
• طب الغدد والسكري
• المسالك البولية
• النسائية والتوليد
• أمراض الرئة

شو لازم تعرفوا؟

اليوم الصحي رح يكون نهار الأحد 11 تشرين الأول، من 9 الصبح للـ2 بعد الضهر، بحديقة رينيه معوض بالصنايع، بيروت.

للتسجيل أو للاستفسار، فيكن تتواصلوا مع حركة بادر عبر واتساب أو على الرقم 536 949 03.

إذا إنتو أو حدا بتعرفوه بحاجة لاستشارة طبية، شاركوا هالمعلومة ويمكن تكون هيدي فرصتكن .

شوفوا كمان:

معرض بيروت العربي الدولي للكتاب راجع قريباً!