سحر الشاليهات الأوروبية من جبال إهدن بهالجوهرة!

إذا عم تدوروا على مكان تهربوا فيه من ضجّة العالم وتعيشوا كم يوم بين الطبيعة، Kina Lodge ببنشعي، إهدن، بيجمعلكن سحر الشاليهات الأوروبية مع هدوء الجبال بلبنان.

من أوّل ما توصلوا، بيستقبلكن كوخ خشبي دافي، محاوط بالشجر والمساحات الخضرا. بيعطيكن إحساس إنكن بقرية أوروبية بالريف، بعيدة عن العالم. وعلى ضفاف بحيرة بنشعي، بتصير كل لحظة فرصة لتروقوا، تتنفّسوا هوا نضيف، وتستمتعوا بجمال الطبيعة من حواليكن.

الغرف مستوحاة من عناصر الطبيعة من طيور وغزلان، مع تدرّجات الأخضر والبني وتفاصيل بتكمّل أجواء الشاليه الريفي الدافي.

يعني سواء بلّشتوا نهاركن بفنجان قهوة ع رواق أو قضيتوا وقتكن بين الجبال والغابات، كل شي هون بيشجّعكن تعيشوا اللحظة. وفي كمان The Lodge House، لخيار بيخلّيكن أقرب للطبيعة وأجوائها.

بس التجربة ما بتوقف هون! فيكن تدلّلوا حالكن بجلسة سبا بخصوصية غرفتكن، أو تجرّبوا ركوب الخيل وتكتشفوا المنطقة بطريقة مختلفة. وإذا بتحبّوا المغامرات والمشي، في رحلات مشي على مسارات خاصة بين غابات إهدن، بتاخدكن على مناظر وتجارب طبيعية بتستاهل تنعاش. ولما يخلص النهار، ما في أحلى من قعدة ع التراس بين الشجر، مع الهوا العليل وهدوء الجبل.

ولحتى تكتمل التجربة، Kina Restaurant بيقدّمكن أطباق من المطبخ العالمي ضمن أجواء دافية وتقديم مرتب،  وفي كمان بار لتستمتعوا بمشروب وتكمّلوا سهرتكن ع رواق.

سواء كنتوا عم تخطّطوا لويك إند رومانسي، أو كم يوم حلوين مع الأصحاب، Kina Lodge هو فرصة تغيّروا جو، تقرّبوا من الطبيعة وتخلقوا ذكريات حلوة، بين دفى الشاليه وسحر إهدن.

📍 بنشعي، إهدن. اكبسوا هون للموقع بالزبط.
📞 للحجز: 000 170 81

📱تابعوا Kina Lodge ع انستغرام هون للمزيد.

شوفوا كمان:

35 كوخ خشبي لأحلى أجواء خريفية حول لبنان