تعنايل عاملة ضجة بمنتج جديد: قهوة كافيه لاتيه!

شركة تعنايل Taanayel Les Fermes عم تفاجئنا من جديد بمنتج مختلف هالمرة: قهوة كافيه لاتيه غنية بالبروتين!

بعد النجاح الكبير اللي حقّقته باللبن اليوناني، رجعت الماركة اللبنانية وقدّمت فكرة جديدة بتجمع بين حبّنا للقهوة وحاجتنا للبروتين اليومي، من خلال قهوة جاهزة للشرب فيه 12 غرام بروتين بالعبوة.

واللافت إنّه من أوّل ما نزل بالسوق، لاقى إقبال كبير. تحمّسوا كتار يجربوه لدرجة إنّ الكمية خلصت بسرعة!

شو لازم تعرفوا عن منتج كافيه لاتيه من تعنايل؟

كافيه لاتيه بتجي بعبوة حجمها 250 مل، ومعمولة من حليب البقر الطبيعي، وخالية من اللاكتوز وقليل الدسم. كمان محلاية بالـ Monk Fruit، أو فاكهة الراهب، وهي بديل طبيعي للسكر العادي. وكل عبوة فيها حوالي 12 غ بروتين و155 سعرة حرارية بس.

يعني إذا بتحبّوا القهوة وعم تفتّشوا عن طريقة سهلة تزيدوا فيها البروتين بنهاركن، هالمشروب ممكن يكون خيار عملي لتبلّشوا فيه نهاركن أو تاخدوه معكن بعد التمرين.

والأحلى إنّه متوفّر بنكهتين: Café Latte وSpanish Latte، لتختاروا بين طعمة الكافيه لاتيه الكلاسيكية أو النكهة الأغنى والأحلى.

أديه سعرو ووين تلاقوه؟

أما بالنسبة للسعر، فالعبوة معروضة بحوالي $2.35 على موقع Spinneys، وبتلاقوها كمان بالسوبرماركت الكبيرة، أو فيكن تطلبوها دليفري من تطبيقات متل Toters وNokNok.

بعد ما لاقى اللبن اليوناني من تعنايل نجاح كبير السنة الماضية، حلو نشوف الماركة اللبنانية عم توسّع خياراتها بمنتجات جديدة بتجمع بين الطعم والصحة. وإذا بعد ما جرّبتوه، يمكن صار وقت تعطوه فرصة… صحتين!

الصورة الرئيسية: chirineaadd

شوفوا كمان:

وين تجربوا Pumpkin Spice Latte حول لبنان هالخريف؟