وديع الشيخ يفتتح مطعمه الخاص بأنطلياس… «دار وديع»!

الفنان وديع الشيخ عم يخوض تجربة جديدة بعيدة عن المسرح، وهالمرة بعالم المطاعم! عم يستعد يفتتح مطعم خاص بلبنان تحت اسم «دار وديع»، بمشروع جديد بيحمل اسمه وبيجمعه مع جمهوره.

المطعم رح يكون بمنطقة أنطلياس، وتحديداً بشارع المطاعم، والافتتاح الكبير محدّد نهار الخميس الساعة 6 المسا، بحضور وديع الشيخ، ليعلن عن بداية هالمشروع الجديد يلي بيتوعد فيه بالمفاجآت.

الفنان وديع الشيخ من الأسماء المعروفة بالساحة الفنية اللبنانية والعربية، واشتهر بالأغاني الشعبية والطربية الحماسية، وبحفلاته اللي دايماً بيكون فيها حضوره لافت، سواء على المسرح أو على مواقع التواصل.

وأكيد، ما فينا نحكي عن وديع الشيخ من دون ما نذكر الجدل اللي بيرافق اسمه من فترة لفترة. فمن تصريحاته عن صداقته مع ميسي ورونالدو، لظهوره بلباس القضاة خلال وحدة حفلاته، دايماً في خبر أو موقف جديد بيخلّي الناس تحكي عنه. 

وهالمرة، الحديث مش عن أغنية جديدة أو حفلة، بس عن مطعم جديد. فهل رح ينجح وديع الشيخ بعالم المطاعم متل ما عرف يلفت الأنظار بعالم الفن والإعلام؟

📍 أنطلياس، شارع المطاعم
📞 للحجز: 888 928 81

📱تابعوا دار وديع ع انستغرام هون للمزيد.

شوفوا كمان:

تعنايل عاملة ضجة بمنتج جديد: قهوة كافيه لاتيه!