أطيب ٦ محلات إكلير ببيروت

لمّا يكون الموضوع خصو بالمعجنات، أول شي بيخطر عبالي هو الاكلير. كيف فينا ما نحب الشعور بالذنب بس ناكل منا؟ العجينة المنفوخة، والكريم الحلو لفيها، والطبقة السايحة المقرمشة بتخلينا ندوب بطعمتا. خصوصي إذا كان في أكتر من طعمة ولون!

وبما إنو المشاركة بتدل عالاهتمام، هول شوي من أطيب محلات الاكلير ببيروت ووين فيك تلاقيهن.

دي شو أي دي أيدي

انبسطوو! لقينا محل مخبّى بعبد الوهاب، بالاشرفية، واسمو ” دي شو أي دي أيدي”. جربو اكلير شوكولا فالرهونا المشهورة عندو، لمش بس طعمتا روعة وكمان شكلا من برا كتير مرتّب.

العنوان: شارع عبد الوهاب – الاشرفية

نيو غورميه

خلطت الطعمات بتحسسك كأنّك بحلم. دوق طعمات الاكلير الروعة لمخترعينا متل: طعمة المرينغ الحامض، وطعمة الفستق، وطعمة السبيكولوس المشهورة.

العنوان: شارع لبنان – الاشرفية

بار تارتين

بتتفاجأ هونيك بأنواع الحلو، بس أطيب شي بالنسبة إلي هي الاكلير عطعمة ماي الورد لطعمتا روعة.

العنوان: باك يارد حازميه – زيتونة باي – مار مخايل – ABC اشرفيه

نورا

بس تفوت عمحل نورا، بتحس حالك فتت عمخزن كنز. بتكتشف فيه مجهرات ملونة بتتاكل. وبين كل المعجنات هونيك، ضروري تجربو الاكلير عالشوكولا المر والاكلير عموكا.

العنوان: مقابل ABC اشرفية

بات ا شو

هيدا المحل كل مرة بفاجئك بشي بخلط الطعمات، خصوصي بس يخلط الكاراميل مع كريم الموز أو ملح البحر لبخليها تصير شي روعة.
العنوان: السوديكو

سيكريتس

ما بتكفيك إكلير وحدة؟ جرّب إكلير سيكريتس بالنوتيلا الكبيرة! وإذا بدّك بعد، دايمًا في إكلير عغير طعمات متل كاسترد عليمون، أو سنيكرز، أو توبليرون، أو فيريرو روشيه لبتتفاجأ بطعمتا الروعة.

العنوان: اوتستراد قريطم

إقتراحات القراء:

كريمينو: حارة حريك وفردان

سكرة: جناح

اكلير: بدارو