٤ مناطق بلبنان للتخييم

في أحلا من انك تهرب بالطبيعة من المدينة والعجقة من الشغل والتعب والارهاق اليومي ؟ يمكن تترك تلفونك بالبيت وتبعد عن التكنولوجيا.

ترجع للطبيعة لترتاح نفسيتك وتحس انك حر، مع الخضار والهدوء والعصافير فيك تخيم بهل أماكن بلبنان شوية أفكار لحتى تحضر حالك بالصيفية وتجمع الأصحاب.

١. نهر إبراهيم

أكيد شفتوا كتير صور عن هل منطقة الحلوة يلي فيكم تروحوا على بحيرة شوان يحشوش، يلي بحب السباحة والخضار او المشي بيقدر يعمل روحة على شوان للتخييم. جنة شوان جنة نهر إبراهيم بتقدر تسأجر حمار لحتى تنقل غراضك.

ولحتى تقدروا تحجزوا على بكير أفضل شي تروحوا عل فجر وكلفة الدخول هي ٨٠٠٠ ليرة لبنانية.

تليفون: ٩٢٣ ٥٦٥ ٧١

٢. Ecovillage

عكس بحيرة شوان ال Ecovillage بوادي دميت، الشوف، هو مطرح طبيعي بس من صنع الانسان كل شي بقلبه جاهز وما ناطر الا تفوتوا تقعدوا وتحضروا للتخييم، البيوت خشبية والخيم والأكل هول بس ب ١٥$ بس يلي حابب ياخد عرزال بيقدر ياخده ب ٥٠$ بس ممنوع يكون معكم أكل ومشروبات.

بقلبه كتير نشاطات متل اليوغا والمساج وتطلع عل صخور، ويلي خايف يخسر انترنت فبحب طمنكم انه في WiFi اذا حابب تساعد بالزراعة وتحضير الاكل بتقدر تفوت عل منتزه ببلاش.

تليفون: ٤٦٣ ٢١١ ٠٣

٣. عمشيت

بتحب البحر؟ عمشيت هي اجمل مكان Camping Les Colombes عندها عدة خيارات للزوار، فيكم تستأجروا مساحة كبيرة لتحطوا خيمة أو تاخدوا غرفة خشبية صغيرة أو شاليه على شكل فيلا.

أجمل شي بعمشيت هو ارتفاع الشط وبتسرحوا بالبحر بيقدروا الناس يشوفوا ال Sea View من العالي.

تليفون: ٦٢٢٤٠١ ٠٩

٤. الهرمل

شهرة البحر والغابات بتخلي محبي الطبيعة يروحوا لهونيك منتجع لزاب بقلبه خيم للزوار وبقدم أكل لبناني تقليدي وهو كتير قريب من الطبيعة.

تليفون: ٠١٣٢٠٣ ٠٣