عبارات بتبين هوس الحكي اللبناني بالمصاري

أكتر الكلام اللبناني يلي منستعمله، منستخدم فيه عبارات او كلمات بتحكي عن المصاري. مش بإيدو الشعب اللبناني كل شي بدو يعبر فيه لازم يكون فيه مصاري!

والمضحك بالموضوع انه منستعمل الجملة وما منفكر بمعناتها الحقيقية، "دين مبلغ عد"، المهم كله يصب بمعنى المادي او المصاري.

يا خيي أي حتى الكلام صار مادي وما بيحكي الا بالمصاري … شوية عبارات واذا تذكرتوا شي كمان خبرونا:

خود ١٠٠٠ وحكيني

رد عليي ما بينقص منك ليرة

لو ما حكيت كنت غنيت

عم ينقتني الحكي تنقيط

بعطيك اد ما بدك بس عملي هل شغلة

الرخيص بضل رخيص

شو طالعلي منك

يلا عد ورايي

هيدي الحياة هيك أخد وعطا – دين ووفا

ضهر البيعة

بالجملة

طول بلا غلة

سلف ودين

مش قابضني جد

بيعها او بيعوا

حاكيني سلف

بيحكي بالتقسيط

بربحك جميلة

خود وعطيه

الغالي بيرخصلك

انت غالي على قلبي

شو بدها تكلفني

ما بيسوى فرنغ

وحياتك عل غالي

دافع دم قلبي

كسبنا شوفتك

شو اللك معي؟

عمول حسابك

كلنا على حسابك