طبيعة ورواق، تعرفوا على هالمحل المميز بجزين!

إتخايلوا معنا..

بيت خشبي كبير بنص الغابة، بطل على الطبيعة والخضار والشجر. قدامه باحة كبيرة وقعدة بترد الروح، وبلكون صغير بتستحلي في فنجان القهوة الصبح.

هيدا البيت حقيقة وموجود بجزين، وفيكن تستأجروا وتقضوا في ليلة وليلتين وعشرة.

“La Maison de la Foret” هو محل موجود بضيعة بكاسين وبقدم عدة نشاطات للعيل والافراد والاصحاب.

من التسلق للرابيل وغيرها من الأشياء، فيكن تقضوا نهار مليان مغامرات وضحك.

أما إذا عبالكن قعدة رايقة وأكل طيب مع منظر بياخد العقل، كمان بلبيكن.

وبالنسبة لكل حدا عباله يقضي كم يوم بعيد عن العجقة ووجع الراس، فيكن تاخدوا بيت هونيك وتعيشوا تجربة خيالية.

أبداً ما رح تندموا.

للمزيد من المعلومات، زوروا موقعن من خلال هيدا الرابط.