اليوم العالمي للسناغل: ١٥ طريقة مسلية لتحتفلوا بهل نهار

اليوم عيد السناغل! مين عبالو يحتفل؟ مش مزح، بس في كتير محلات فيك تروك عليها لحالك ومين بيعرف يمكن تتلاقى بنصك التاني فيا.

1. جيب فنجان قهوة وقرا كتابك المفضل ب La Menagerie بالأشرفية: الجو هادي، الورود معباية المكان والديكور رومنسي مريح للنظر.

2. بحبش بمكتبة صنوبر بمونو على كتابك المفضل وسراح بخيالك وتعرف على أشخاص بفكروا متلك.

3. دلل حالك وشتري أجمل التياب الملبوسة عند سيكوند بايس بمونو: الأسعار بتعقد والموديلات بتجنن.

4. فيك تحضر مسرحية مهضومة اليوم على مسرح المدينة بالحمرا، إخراج وتنفيذ فريق ورشة.

5. توجه صوب البترون واستمتع بأجمل منظر وقت المغيب وروق أعصابك. وإذا كنت بتحب الموسيقى فيك تسمع وتجيب معك شي تشربوا وأكيد جاكيت وإذا بتعرف تعزف أكيد ما تنسى الغيتار لأن أكيد رح تجذب كتار ويمكن نصك التاني.

6. تشجع وحكي الكراش وقلو يعزمك يدوقك أطيب ستايك من عند كوميونيتي ببدارو بهل المناسبة: يمكن ما يصير شي بس أكيد رح تضحكوا وتتسلوا. ما تستحي!

7. توجه مع شخصك المفضل على طرابلس وكول لأول مرة ساندويش مغربية. شي رهيب!

8. عيش تجربة الطبيعة وزور ٥ أماكن خريفية بتاخد العقل.

9. مش مجرب اليوغا بحياتك؟ عطول في أول مرة، عمول صف يوغا بسرفام بالجميزة وما رح تندم لأن مع كل الضغط النفسي لي عم نعيشوا لا زملنا تنفيسة من شي محل.

10. ما بتعرف تطبخ؟ تسجل بصف الطبخ بكيتشن لاب بمونو وأكيد رح تحس ثقتك بنفسك زادت أكتر مع تعلم مهارة جديدة.

11. طلع طاقات الفنية لي فيك بكرياتيفنس ببادارو وقضي وقت مسلي برفقة الألوان وأهضم عالم: رسم، تلوين، تزيين، وكل شي بيخطر على بالك.

12. زور معرض الكريستال المميز بالأشرفية وتأمل الألوان الساحرة والأشكال الرائعة.

13. حلي قلبك بأطيب كروسان على شوكولا من عند سيفت بايكري ببادارو، بيجي طبقتين وبسيل بالتم ليمنحك أحلى شعور.

14. أو دوق دوناتس بالشوكولا الدارك من عند بايكرلو كايكس بفرن الشباك: شي مخيف!

15. ظبط حالك وروح سهار بديس روفتوب على البار: مين بيعرف كيف بيجي الحب؟