شوفوا مهرجان الدراق بضيعة بكفيا هل ويك-أند (الدخول مجاني)

الدراق… أكتر الفواكه إغراء! مين بحب الدراق كتير؟

اليوم رح نخبركن عن مهرجان الدراق لي بصير كل سنة بضيعة بكفيا، وهوي عادة من عادات ولاد الضيعة بيجمع الكبار والزغار بساحة الضيعة مطرح ما صناديق الدراق بتكون معباية الدني.

ببلش المهرجان نهار السبت ورح يضل لنهار الاثنين ورح يتضمن سهرات غنائية، ألعاب ومسرحيات للولاد ومطاعم ومحلات الضيعة وسوق بكفيا لي رح تنباع في المنتوجات البكفاوية متل الدراق، الفواكي ومونة البيت شغل الضيعة وأشغال يدوية وحرفية.

وأكيد أكيد الدخول مجاني! يعني فيكن تجمعوا أصحابكن وكل الناس لي بتحبوهون وتستكشفوا هل ضيعة الحلوة وتاكلوا دراق لتشبعوا وتشتروا كل شي بيخطر على بالكن.

الولاد كمان رح يتسلوا كتير، في إلن ألعاب ونشاطات وقصص كتير مهضومة. بتعرفوا دراق بكفيا كتير طيب وهل ضيعة معروفة قدي بتعمل دراءات طيبين!

إذا حابين تقضوا وقت حلو مع عيلتكن أو أصحابكن بمنطقة جبلية كتير حلوة، مننصحكن تستفيدوا من الطقس الحلو هالوين-أند وتميلوا عضيعة بكفيا وتفرفحوا شوي وتغيروا جو.

يلا على بكفيا!

للمزيد من المعلومات اتصلوا على: 149 980 04