سمعتوا عن البيت الحجر عالبحر بأنفه؟

ليلي ما بيعرف أنفه، عم بتروحوا عليكن مشوار من العمر!

بشمال لبنان – أنفه، بيت “آمبي Ambi” بيتميز بالطلة الحلوة على البحر وبقعدة من العمر.

أنفه منطقة سياحية رايقة ومناسبة للاستمتاع بعطلة نهاية الأسبوع، تقضية نهار مميز على البحر مع العيلة أو الأصحاب وأكلة سمك. ضبوا شنطكن وتوجهوا على قلب منطقة أنفه يلي بتاخد العقل، وهونيك بتلاقوا أحلى بيت من حجر على البحر.

آمبي Ambi بالفينيقي هوي أول اسم أطلق على منطقة أنفه.

البيت من جوا مرتب ومهضومة وبتطغي على ألوان اليونان الأبيض والأزرق، وقريب كتير على أشهر المواقع السياحية بأنفه.

بيتألف هل بيت من 3 غرف نوم موديرن كل وحدة بتحمل إسم، أول أوضة بتساع شخصين وبتكلف 90$، الأوضة التانية بتساع شخصين بكلفة 100$، والأوضة التالتة بتكلف 140$ وبتساع 3 أشخاص.

تمتعوا بهل فيو عالفيقة، وأجمل غروب شمس بعد الضهر، شي برد الروح!

كمان بقدم لكل الزوار ترويقة الصبح وأكيد فنجان قهوة غير شكل.

غير هيك هل محل بحضر فنجان قهوة غير شكل وفي كمان ماركت بالطابق التحتاني وعلى السطح Rooftop مهضوم بقدم أطيب الأكل والمشروب والأرغيلة.

فيكن من هونيك تنزلوا على البحر وبكون المحل إلكن، وهيدي ميزة للناس يلي بتحب البحر بالمشوار.

للحجز والاستفسار اتصلوا على 338 278 81

شوفوا كمان كيف فيكن تقضوا نهار كامل بأنفه.