مفاجأة حلوة: هيلدا خليفة رح تقدم الموسم الجديد من ستار أكاديمي

أعلن الصحافي إيلي مرعب مبارح عبر حسابو على تويتر رجعة مقدمة البرامج لي كلنا منحبها هيلدا خليفة على الموسم الجديد من برنامج ستار أكاديمي.

قديش حلوة هل خبرية لمحبي الأكاديمية؟ كلنا منعرف إنو هيلدا رافقت برنامج ستار أكاديمي من أول موسم حتى اليوم وكانت وبعدها ركن أساسي من أركان الأكاديمية.

هل خبرية إجت من بعد انتشار إشاعات وأخبار عن احتمال تقديم الإعلامية أنابيلا هلال للبرنامج محل هيلدا خليفة بالموسم الجديد وهل شي انذكر بصحيفة النهار العربي سابقاً.

وبحسب الصحافي إيلي مرعب بتبقى الإعلامية هيلدا خليفة ركن أساس لستار أكاديمي كما أعلن سابقاً إنو قريبًا رح يكشف عن تفاصيل جديدة خاصة بالبرنامج رح تعمل صدمة إيجابية وممكن سلبية للبعض.

في مفاجآت كتير ناطرتكم بتخص برنامج #ستار_اكاديمي رح تصدمكم 😳 وحصريًا عندي 😉 تابعوا حسابي وخليكم جاهزين #ايلي_مرعب

— Elie Merheb (@_ElieMerheb) December 17, 2022

كانت المفاجأة الكبيرة بعد إعلان عودة ستار أكاديمي، إنو رح يتصور بالسعودية لأول مرة بتاريخ البرنامج، الأمر لي أثار ردود فعل سلبية وإيجابية على مواقع التواصل الاجتماعي.

أما الخبرية التانية إنو رح تنتج البرنامج هل مرة الست رولا سعد من جديد من بعد ما استلمت الإنتاج بالمواسم الأخيرة الكاتبة والممثلة كلوديا مرشليان إلى جانب محطة الLBC. أما الكاستينغ فرح يبلش بشهر شباط 2023 وكان كشف عن هل شي الصحافي اللبناني إيلي مرعب.

يا مراحب 🥳 #ستار_أكاديمي ما بحكي شي مش واثق منو 😌 https://t.co/gtXQiWZaYy

— Elie Merheb (@_ElieMerheb) January 19, 2023

لطالما كانت إطلالات هيلدا خليفة بستار أكاديمي محط أنظار الجمهور اللبناني والعربي خلال حلقات السابقة، ظهرت بالعديد من الأزياء الخاطفة ولي برزت جمالها وطولها ورشاقتها. غير الطلة الحلوة، تميزت هيلدا بموهبتها الكبيرة بتقديم البرامج وبلفظها الحلو وضحكتها الجميلة.

مين محمس لعودة ستار أكاديمي؟

لتعرفوا تفاصيل أكتر شوفوا، مفاجأة كبيرة: رح يتصور ستار أكاديمي ١٢ بالسعودية!