سكك الحديد في لبنان

كلنا ب لبنان مننزعج من عجقة السير والأهم انه كلنا منحلم ب وسائل تنقل محترمة بتسهل علينا حياتنا اليومية، وفينا كمان نتأمل بإعادة صيانة وافتتاح محطات القطار ب لبنان.. كرمال نرجع نسافر من الجنوب للشمال وبركي نوصل على سوريا أو حتى تركيا من خلال القطار. عم بحكي عن إعادة الافتتاح لأن سكك الحديد اللي عمرها ميات السنين بعدها موجودة.

محطة قطار بيروت

هيدي السكة المعروفة بال train stationبمنطقة مار مخايل. سكة مهجورة من سنين والجدير بالذكر انه إذا فتنا عليها منقدر نشوف القطار القديم اللي واقف محله. من كم سنة تحوّل جزء من سكة بيروت لvenue بيتمتع بأجواء موسيقى ولاقى شعبية كبيرة بسبب فكرته الفريدة من نوعها.

محطة قطار الرياق

من أجمل ما تبقى من لبنان القديم اللي منحلم في، هيدي السكة مش كلنا منعرف بوجودها إلاّ انه من الضروري زيارتها واكتشاف تفاصيلها. سكة الرياق تم افتتاحها سنة ال١٨٩٥ وكان الها أهمية كبيرة بالتنقل من بيروت للعالم العربي وأوروبا.

محطة قطار طرابلس

هيدي المحطة تم انشاءها سنة ال١٩٠٨ من قبل العيل الطرابلسية وانطلق منها أول قطار سنة ١٩٩١. المؤسف لما نشوف مشهد هيدي المحطة مهملة ومصداية بعد ما نعرف انه كانت تربط طرابلس باسطنبول وأوروبا.