أغاني ديزني الشهيرة رح يتذكرها جيل ال-٩٠

الموضوع اللي عم بكتب عنه بيعنيلي أنا شخصياً. ما فيي جرد حالي من جزء أساسي من ذكريات طفولتي، طفولة جيل ال٩٠.. جيل قناة ديزني. رح نتذكر سوا أبرز أغاني مقدمات برامج وأفلام ديزني.

علاء الدين

إذا كنت ابن ال٩٠ اكيد كنت تحلم يكون عندك بساط علاء الدين اللي بيطير أو انه يكون الbestfriend جني سحري بحققلك أحلامك – أو الأميرة ياسمين بنت السطلان.

الأسد الملك – دايرة الحياة

ممكن نقول انه دايرة الحياة من فيلم Lion King هي الأكثر تأثيراً من ناحية الموسيقى، الفكرة، والرسم الكرتوني. صورت حياة الغابة بشكل رائع وخلقت صورة لعالم الحيوان شبيهة بالحياة البشرية.

الأسد الملك – هاكونا متاتا

هاكونا متاتا ممكن تكون أكتر غنية لاقت تفاعل من قبل الولاد وحتى الكبار. لو قد ما صار عمرك.. مش ممكن تتذكرها وما تغنيها براسك.

مغامرات ويني الدبدوب

ما فينا نقول ويني الدبدوب من غير ما نتذكره غرقان ب مرطبان العسل.

دبب الاساطير

بتتذكروا عصير الفبرولة؟ أنا لهلأ عبالي اشرب هالعصير وأعرف طعمته، والأهم آخد مفعوله.

صابرينا

تلميذة مدرسة…ساحرة..وعندها بسين بيحكي. مش شوي غريبة التركيبة؟