تنور وكوخ: شاليهات ومطعم بالقموعة بأسعار بتجنن

هالمرة رح نطلع صوب عكار وتحديداً على ضيعة القموعة المغطاية بالتلج. هل منطقة بتتميز بالسهل المعروف المغطى بالتلج وبغابة العزر وبكل النشاطات لي فيكن تمارسوها لتتسلوا وتقضوا وقت ما بينتسا. تنور وكوخ عبارة عن مشروع مألف من شاليهات ومطعم بقلب القموعة، بيتميز بموقعو الجذاب ومناسب لمشروع عيلة. بطل على ضيعة بعدا محافظة الأصالة وبانتظاركن كل يوم أشهى المأكولات اللبنانية لي ممكن تتخايلوها. فيكن تبلشوا نهاركن بترويقة بلدية مع فنجان قهوة أو زهورات ببقعة ساحرة بشمال لبنان. أو فيكن تتمشوا على التلجات وتتفرجوا على الطبيعة الساحرة، جربوا كمان ركوب الATV وسيارات التلج بالسهلة. وفيكن تختاروا إنو تقدوا ليلة كاملة بالشالي الخشب، أو بس تقضوا نهار على التلج وتتغدوا بالمطعم. إذا بدكن تقضوا نهار كامل وتناموا بقلب الشالي فبتكلف الخبرية 40$، وهل شالي بساع 4 أشخاص، 2 كبار و2 زغار، يعني أنسب مشروع ويك-أند للعيلة. شو بدكن أحلى من شالي خشب، سهل أبيض، قعدة روعة، نشاطات وأكل كتير طيب. والأهم من هيدا كلو إنو الأسعار مدروسة ومعقولة. لتعرفوا أكتر عن هل محل اتصلوا على 729 306 70. شوفوا كمان، سمعتوا عن الفيلا الحجر على الوادي بجبيل؟