طبيعة ورواق، تعرفوا على هل بيت الحجر بجزين!

خلونا نعرفكن على ضيعة عازور القاعدة بقلب جزين ولي بتتميز بطبيعتها الساحرة الجمال.

هل بيت أجمل بيوت لبنان قاعد بين الشجر وعمرو 273 سنة، وما في أجمل من القعدة بالجنينة وترويقة الضيعة.

بيت مراد مألف من تلات أوض نوم متل أوض الأحلام، من بين هل أوض، أوضة بتحمل إسم “ورود” بتطل على الجنينة والجبل، فيها صوفيات وصوبيا لإذا صقعتوا وبلكون شرح على شكل قنطرة بتستحلوا تشربوا فنجان قهوة في.

لكل لي بحبوا الضيعة والقعدة على كراسي القش في قعدة رواق برا لتعيشوا لحظات ما بتنتسا، وأكيد هل قعدة بتكمل إلا مع الرفقة الحلوة وفنجان القهوة.

بس تفتحوا عيونكن، بتلاقوا ترويقة بلدية غير شكل على صنية قش ناطرتكن مع تحلاية وخبز طازة.

عندن مزرعة زغيرة حد البيت، رح يجي منا كل الأكل الطيب.

من الأوض الرومانسية والمرتبة للترويقة الصبح بكير وسهرة النار بالليل، النومة ببيت مراد غير شكل.

كلفة الليلة حوالي 120$ شاملة ترويقة لشخصين.

غيروا جو شوي وتسلوا بالطبيعة.

لتعرفوا أكتر عن هل محل، اتصلوا على 343 553 03

شوفوا كمان، ٨ من أجمل المطاعم على البحر حول لبنان.