رحلة على بيت الكرز… بيت الحكايات بدير القمر

عبالكن تبعدوا عن العجقة وتروحوا على مطرح مخبى عن العالم؟ مشوا معنا على بيت الكرز بقلب ضيعة دير القمر الساحرة.

بيت الكرز بياخدكن على زمن التمانينات، بيت ضيعة من حجر قديم وتراث عريق، مزين بالنبات والورد المعلّق، وبين شبابيكو القديمة ألف حكاية وحكاية.

بتقضوا أحلى الأوقات بقلب هالبيت، بتقعدوا جنب بركة الميّ مع البط والوز بأحضان جنينة الأحلام، أو تحت فيّ الشجر وعلى صوت العصافير. فيكن تنبسطوا بأطيب مشاوي على الغدا، أو تتعشوا بالجنينة على التراس تحت النجوم وضو القمر.

بيتميز هالبيت بإطلالة رومانسية من علالي الجبل، وكمان على منظر البحر وموجاتو، بتسرحوا بجنّات ساحرة الجمال على مد النظر، بنسّم عليكن الهوا وبتحسّوا بدفا الشمس. هالبيت الرومانسي ملتقى العشاق ومكان مميز لأجمل الأوقات الخاصة والذكريات الحلوة.

بتلاقوا داخل هالبيت أوضة نوم كبيرة مع تختين مريحين، مطبخ زغير مجهّز ببار وبراد، أوضة قعدة مهضومة على الموديل القديم، وحمام. فيكن تحجزوا البيت لكل نهار من دون نومة إذا عندكن مناسبة خاصة، وكمان فيكن تقضوا الليلة عندن. بيتميز بالديكور القديم من الخشب والتفاصيل الأنتيكا العتيقة.

شو ناطرين؟ ما تروحوا عليكن قعدة الأحلام بدير القمر!

للمزيد من المعلومات، اتصلوا على 430 402 03.

شوفوا كمان، أحلى نومة على البحر بهل-٦ مطارح حول لبنان.