لقينالكن ٤ مطاعم بلبنان بتحسسّكن إنكن باليونان

عبالكن تسافروا برا لبنان من دون سفرة؟ رح ناخدكن اليوم على بلد اليونان العريق، بلد الحضارة الإغريقية والأطباق الطيبة والسواحل الزرقا. خلونا نتعرف سوا على 4 مطاعم بلبنان بتحسسّكن إنكن بقلب اليونان!

1- Grecco – جبيل

غريكو عبارة عن قطعة من اليونان على ساحل مدينة جبيل، بتحسوا حالكن قاعدين بقلب جزيرة سانتوريني، جنب البحر وعلى الكراسي البيضا عم تنبسطوا بغروب الشمس وعم بتجربوا أطيب الأطباق اليونانية البحرية، من موساكا وسوفلاكي وأخطبوط وسمك مشوي على أطيب كاس نبيد.

الرقم: 232 213 70

2- Mylos – مار مخايل

ميلوس من أطيب المطاعم اليونانية ببيروت، بتدخلوا عليه وبتنسحرو بجمال الديكور الأزرق والأبيض، الورد المعلّق والتفاصيل الزغيرة اللي بتحسسّكن إنكن باليونان، بتقعدو وبتشموا ريحة الأكل الطيب وخصوصي الأوريغانو والبهارات الطيبة، بيقدموا أشهى الأطباق اليونانية مع سلطات مميزة وبطعمات فريدة.

الرقم: 594 444 76

3- ياماس – أنطلياس

ياماس بيتميز عن غيرو من المطاعم بالديكور المميز والمرتب، تقديم الأطباق اليونانية الفريدة من نوعها، إستخدام الأعشاب والخلطات السرية، وتقديم المشروبات الطيبة، من أحلى وأطيب الأماكن لتعيشوا جو اليونان على أصولو وبأزغر تفاصيلو.

الرقم: 352 030 03

4- Mediterraneo – برمانا، زيتونة باي

هالمطعم المميز عندو أجمل جو لعشا رومانسي مع الشريك، كراسي خشب وألوان مفرفحة وتفاصيل قش وورد معلّق، بيجمع الأكل الشرقي والإيطالي واليوناني بمطرح واحد لتجربوا كل شي بيخطر على البال!

الرقم: 295 200 03

شوفوا كمان، مشوار على أجمل مطاعم جبيل على البحر.