هيك فيكن تقضوا نهار حلو بالضنية

الضنية… المنطقة التاريخية يلي معروفة بالمناظر الطبيعية والوديان الخضرا وفيها جواهر مخفية بعد مش الكل عندو فكرة عن جمالها، لهيك رح نخبركن كيف فيكن تقضوا نهار حلو بهل منطقة الساحرة.

١. بلشوا نهاركن بترويقة عند مطعم الجزار

موجود بقلب أوتيل سير بالاس، هيدا المحل المهضوم بقدم ترويقة لبنانية (فول، مناقيش، وقصص طيبة) وعندو قعدة مهضومة وشرحة

الرقم: 202 490 06

٢. زوروا تاني أكبر معبد روماني بلبنان بسفيرة

الآثار لي صرلها آلاف السنين رح تسحركن

٣. إذا معكن سيارة كفوا على بحيرة عيون السمك

رح تشوفوا منظر خيالي أول مرة بتشوفوا بلبنان

٤. كفوا على منطقة جيرون

هالمنطقة الخضرا الساحرة بتطل على وادي جهنم الأثري

٥. خيارات للغدا أو للعشا

يلي عبالو سفرة لبنانية بتشهي، في كتير مطاعم قروية طيبة أبرزها: شلالات النور، ومطعم الجوزة. أما إذا عبالكن قعدة حد طاحونة سير لازم تجربوا مطعم مطعم نبع سير يلي قاعد على سطح طاحونة سير، ويلي عبالو رح في يطعمي البطات كمان ويتفرج علين عم يسبحوا.

شلالات النور: 956 575 03

مطعم الجوزة: 030 034 71

نبع سير: 699 490 06

٦. طلعوا صوب مطل الوادي

رح تحسوا حالكن قاعدين بشي محل خيالي

٧. كفوا على منطقة سير وزوروا مغارة الزحلان

عيشوا المغامرة لي بتشوفوها بالأفلام وقطعوا فوق الجسر الطبيعي المعلق بحبال الهوا ورجعوا اكتشفوا المغارة الأثرية

٨. زوروا قصر الأحلام الغريب العجيب

بيشبه عالم الخيال ورح ياخدكن برحلة على حضارات العالم المختلفة

الرقم: 278 511 03

٩. اختموا نهاركن مع مغيب الشمس

قمة جبل الأربعين بتعطي النهاية المثالية لنهاركن. استمتعوا بالمنظر الخيالي من فوق الجسر الحديد واركبوا على أطول مرجوحة بالشرق الأوسط وزوروا الطيارة المعلقة بالسما

الرقم: 021 319 76

١٠. ناموا بأحضان محل مميز

بأوتيل جزار رعد العريق المحمل بذكريات الزمن الجميل ولي رح يرجع فيكن لإيام ما كانت القصص ماشية على الهدا

الرقم: 202 490 06

شوفوا كمان، ببلاش وللعموم: شط جديد ومميز بجبيل.